Kờp jơh khà priă dong kờl là 350 tơlak đông, ai bơh kes priă dong kờl mpồl bơtiàn bơh Tổng Kông ty ồs đèng tiah tàm gùl lơgar mờ Kông ty ồs đèng Dăk Nông dê. Bal mờ broă dong kờl lơh hìu, Kông ty kung crap ồs đèng mờ blơi pà tơl hìu bơnhă 2, 3 bơta phan ngui drơng tàm rài kis bè tivi, glah piang đèng, quạt đèng…

Geh git, tàm tơngai lài, Kông ty ồs đèng Dăk Nông neh jơh nùs lam lơh ală broă lơh gàr niam rài kis mpồl bơtiàn, wèt hờ mpồl bơtiàn. Mìng is tàm 5 nam rềp ndo, Kông ty neh dong kờl lơh 21 nơm hìu nùs nhơm; lơh niam wơl ală phan ngui đèng, ala gùng che đèng tơnơ̆ kông tơ dong hìu bơnhă rƀah, hìu bơnhă geh sră dong kờl bơh dà lơgar; pà phan bơna đèng ai ală hìu bơsram in; crăp đèng sòl àng ală gơl gùng lòt ƀòn lơgar… mờ kờp jơh khà priă rlau 3 tơmàn 400 tơlak đông.