Ngai chờ geh bơyai lơh tàm ƀòn Wâu, xã Chư Á, ƀòn dờng Pleiku. Đơs tàm ngai chờ, mò Trương Thị Mai chờ gờm ală cồng nha mờ ƀòn Wâu, xã Chư Á neh lơh ngan lơh geh tàm tơngai do. Ƀòn Wâu neh lơh geh ală jơnau kờñ ƀòn lơgar pa mờ gam lơh ngan nàng gơs ƀòn lơgar pa lam lài.

Tŭ do, priă geh tơl nă làng bol tàm ƀòn geh 44 tơlăk đong tàm 1 nă 1 nam. Kwang atbồ mpồl Rơndăp broă dà lơgar mò Trương Thị Mai đơs loh: Tơnguh bơtàu Tây Nguyên là gùng dà broă lơh dờng bơh Đảng, Dà lơgar mờ là kơnòl tờm, lơh geh sùm, geh kwơ màng gơwèt mờ broă tơnguh bơtàu bơh ală càr tàm tiah do dê nàng lơh ngan tus nam 2030 Tây Nguyên geh là tiah tơnguh bơtàu mhar, kơl jăp, geh uă bơta niam chài rơgơi kòn cau. Di tàm dơ̆ do, Kwang atbồ mpồl Rơndăp broă dà lơgar mò Trương Thị Mai neh pà 5 nơm hìu jă brê ngăc ngar, 60 pò phan, priă bơsram ai ală hìu nhă, kơnòm dềt geh rài kis gơtìp kal ke in.