VOV4.K’ho- Tàm càr Sóc Trăng, Ủy ƀan Jơi bơtiàn kòn cau pa pơgồp bal mờ Mpồl duh broă Jơi bơtiàn kòn cau Quôk hội, Tỉñ ủy, Ủy ƀan Ñân zân càr Sóc Trăng bơyai lơh Cribơyai: “Lam lơh jăt Broă lơh Jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn kòn cau dùl êt nă cau mờ tiah kơh bơnơm tơngai bơh nam 2021- 2025 tiah ring dà dờng Cửu Long”.

Cribơyai lam lơh jăt Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn kòn cau dùl êt nă cau mờ tiah kơh bơnơm tơngai bơh nam 2021- 2025 tiah ring dà dờng Cửu Long

Đơs đơng lam Cribơyai, Phó Thủ tướng Duh broă sùm Cíñ phủ ồng Phạm Bình Minh đơs, Cribơyai dơ̆ do geh kwơ ngan tàm tŭ tơngai tàm nam 2022 là nam sơnrờp, lơh gơlik geh bơnàng jă nàng lơh jăt ală jơnau kờñ neh cih tàm Kơrnoăt Pơrjum dờng Đảng dà lơgar dơ̆ XIII mờ Broă rơndăp lơh Bơtàu tơnguh lơh sa- mpồl bơtiàn 05 nam bơh nam 2021- 2025, là nam sơnrờp lam lơh jăt Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn kòn cau mờ tiah kơh bơnơm tơngai bơh nam 2021- 2025. Jăt Phó Thủ tướng đơs, broă lơh jơnau kờñ dà lơgar bè jơi bơtiàn kòn cau mờ tiah kơh bơnơm geh bơta kwơ dờng màng ngan, pơgồp bơnah gơhòi gơ jà tăc- blơi, lơh geh broă lơh, bơtàu tơnguh lơh sa, kă bro mơkung gơcèng bơta kwơ dờng màng bè ờdo ờdă rài kis mpồl bơtiàn, kwơmàng là gơwèt mờ ală cau ờ pràn, ală hìu rƀah, hìu geh rài kis kal ke tàm ală tiah sar lơgar ngài.

Cau mblàng Lơ Mu K’Yến