VOV4.K’ho - Tàm dơ̆ pơrjum ƀăo geh bơyai lơh bè ờs mho òr (12/05), hơ jơnau lùp bơh cau ai tơngit jơnau bè bơta mùl màl bơh khà priă dong kờl Cíñ phủ lơgar Việt Nam dê ai ală broă lơh dong kờl kòn bơnus gơwèt mờ làng bol lơgar Ukraine in.

Phó cau sơ pơ̆ bơr Ƀộ Ngoại giao ồng Đoàn Khắc Việt pà git: Lơgar Việt Nam tam pà bal, sền gròi, kơlôi rơcang uă ngan bơh mpồl bơtiàn dunia bè bơta dong kờl kòn bơnus tài ală bơta ai tơngŏ tàm lơgar Ukraine, mờ đơs là pal tơn jơh mơ broă ngui bơta tam lơh, gàr niam bơta lơngăp lơngai, ờ do ờ dă ai làng bol in. Mờ nùs nhơm do, dờp bal jơnau hòi jà bơh Liên hợp quốk dê, lơgar Việt Nam tă 500 rơbô dolar Mỹ, tàm hơ̆ geh 100 rơbô dolar Mỹ ai broă rơcang sơndră mhar CERF in, 100 rơbô dolar Mỹ ai mpồl lơh sơnơm dunia in, 100 rơbô dolar Mỹ ai kes priă kơnòm dềt (UNICEF) in, mờ 200 rơbô dolar Mỹ bơh Mpồl Chữ thập đỏ Việt Nam pơyoa tus Mpồl Chữ thập đỏ lơgar Ukraine in, pơgồp bal tàm broă lơh jăt ală broă dong kờl kòn bơnus, dong kờl làng bol gơtìp aniai tài bơh tam lơh tàm lơgar Ukraine in.

Cau mblàng Ndong Brawl