VOV4.K’ho - Rơndăp săp sèng loh làng kes priă lơgar Việt Nam gơguh 9 khà pơn drờm mờ dơ̆ lùp sền lài, ơm dơ̆ 68 tàm khà 120 lơgar geh lùp sền. Do là jơnau yal pal kah ngan, pà gŏ broă lơh ngan bơh lơgar Việt Nam tàm broă tơnguh loh làng, drờm bal kes priă dà lơgar.

Jăt cồng nha lùp sền bơh kes priă pờ gùt plai ù nam 2021, khà geh gơwèt mờ pe đah tờm geh uă broă gơguh mờ ndrờm gơguh pơn drờm mờ dơ̆ lùp sền lài, geh 44 tàm 100 điểm gơwèt mờ bơta tờm ring bal kes priă, 17 tàm 100 điểm gơwèt mờ bơta tờm broă tus bal bơh làng bol, mờ 80 tàm 100 điểm gơwèt mờ bơta tờm sền gròi kes priă (ală bơta tờm ndrờm gơguh 6 điểm pơn ndrờm mờ nam 2019). Bơta geh pơnrơ ngan bơh lơgar Việt Nam là tơnguh khà geh bè bơta tờm bơh broă tus bal làng bol, geh 17 tàm 100 điểm, uă rơlao mờ bè ờs gùt plai ù là 14 tàm 100 điểm. Ƀộ Tài cíñ pà git, tàm tơngai tus, geh pơn jăt tai lơh jăt niam broă loh làng kes priă Dà lơgar.

Cau mblàng Ndong Brawl