VOV4.K’ho- Ngai 19/01, Lữ đoàn Đặk Kông 198 gơwèt Ƀiñ đoàn Đặk kông) bơyai lơh pà rlau 2 tấn phe ai gĭt nđờ rhiang hìu bơnhă rƀah, hìu mờr ndrờm bè hìu rƀah, hìu bơnhă cíñ sác in tàm ù tiah càr Dăk Lăk.

Lữ đoàn Đặk kông 198 dong kờl phe sa ai ală hìu bơnhă kal ke tàm xã Ea Yiêng in

Di tàm dơ̆ do, Lữ đoàn Đặk kông 198 bơyai lơh pà rlau 2 tấn phe dong kờl 137 hìu bơnhă rƀah, hìu bơnhă mờr bè hìu rƀah, hìu bơnhă cíñ sac tàm ală thôn, ƀòn kal ke, tiah làng bol jơi bơtiàn kòn cau dùl êt nă cau bơh ală kơnhoàl: M’Drăk, Krông Pach, ƀòn dờng Buôn Ma Thuột, càr Dăk Lăk dê. Do là khà phe bơh kwang bàng, cau ling Lữ đoàn Đặk kông 198 dê tềm pềr geh bơh “Yang phe bơta nđàc” tàm nam 2021. Mờ mpồl ling kung neh jàu pà phan sa tềp ai ală cau kra ƀòn, cau ătbồ thôn in tàm ù tiah mpồl ling lơh broă.

Cau mblàng Lơ Mu K’Yến