VOV4.K’ho- Jơnau yal tàm dơ̆ mblàng yal lơh loh bè broă bơto bơsram tàm tơngai kòp Kovid-19 lơh bơtờp bơh Ủy ƀan Niam chài, bơto bơtê Quôk hội dê bơyai lơh, tàm mho ngai 25/02, Ƀộ Giáo zụk mờ Đào tạo mblàng yal lơh loh tơrgùm tàm mpồl broă dờng: Sền gàr ờdo ờdă tŭ pờ mpồng hìu bơsram mờ gàr niam cồng nha bơto bơtê tàm tơngai kòp Kovid-19 lơh bơtờp.

Ală kal ke, bơta lòng gam gơ tơlik tus sền gàr ờdo ờdă tŭ pờ mpồng hìu bơsram; ală broă lơh nàng gàr niam ờdo ờdă, pràn kơldang să jan ai mpồl cau pơgru in, ngan là gơwèt mờ kơnòm bơsram hơđơm 12 sơnam, ờ hềt cĭt vaccine; ală broă lơh bơto bơsram bơh tàm internet...hơ̆ là ală jơnau kơlôi rơcăng bơh uă kwang bàng dê tàm dơ̆ mblàng yal lơh loh. Đơs tàm dơ̆ mblàng yal lơh loh, Phó Củ tịc Thường trựk Quôk hội ồng Trần Thanh Mẫn sồr gah bơto bơtê tơrgùm sồr lơh nàng gàr niam tơngai bơsram dơ̆ 2 bơh nam bơsram 2021- 2022 dê tơn jơh geh cồng nha.

 Cau mblàng Lơ Mu K’Yến