VOV4.K’ho- Drim ngai 08/09, tàm Hà Nội, Ƀộ Nông nghiệp mờ Phát triển Nông thôn bơyai lơh pơrjum “Mblàng yal mờ lam lơh jăt Nghị quyết sồ 19 bơh Ƀan Cấp hàñ Đảng dà lơgar khoă 13 bè lơh broă sa suơn sre, cau lơh broă sa, ƀòn lơgar tơngai tus nam 2030, bơta wèt sền tus nam 2045; Broă lơh jŏ jòng bơtàu tơnguh lơh sa suơn sre mờ ƀòn lơgar kơ̆ kơljap tơngai bơh nam 2021 - 2030, bơta wèt sền tus nam 2050”.

Ƀộ trưởng ồng Lê Minh Hoan đơs tàm dơ̆ bơtàu tơnguh lơh broă sa suơn sre, ƀòn lơgar ai cau lơh broă sa lơh cau tờm

 Bal mờ bơyai lơh bơsram, yal tơngĭt, mblàng yal mờ bơsram Nghị quyết, Ƀộ Nông nghiệp kung gam đơng lam bơt bơtàu, yal mờ Cíñ phủ in ai lơh jat broă lơh lơh broă lơh jat Nghị quyết. Ală jơnau đơs tàm pơrjum neh tam pà bal ală bơta mờng chài, ală broă lơh pa, geh cồng nha tàm broă bơtàu tơnguh lơh broă sa suơn sre, cau lơh broă sa, ƀòn lơgar nàng kờñ wèt tus jơnau kờñ bơt bơtàu “Lơh sa suơn sre brê bơnơm, ƀòn lơgar pa, cau lơh broă sa jak”.

Cau mblàng K’Hạnh