VOV4.K’ho- Di sa tềp bơhiàn Ñâm Zần 2022, mpồl kwang bàng Quôk hội càr Dăk Lăk neh lòt còp, pà phan sa tềp ai ală tiah geh gal làng bol jơi bơtiàn kòn cau dùl êt nă cau geh rài kis kal ke tàm càr. Mpồl neh tus lùp còp, nting bơr sa tềp mờ pà phan Đảng ủy, Ủy ƀan Ñân zân, Hội đồng Ñân zân, Ủy ƀan Mặt trận dà lơgar Việt Nam mờ ală hìu bơnhă geh rài kis kal ke, hìu bơnhă geh sră dong kờl bơh dà lơgar bơh ală xã: Yang Tao, Bông Krang (kơnhoàl Lăk), Ea Ning, Ea Tiêu (kơnhoàl Cư Kuiñ); Ea Hiu, Ea Yiêng (kơnhoàl Krông Păk).

Di dơ̆ do, Mpồl kwang bàng Quôk hội càr Dăk Lăk neh pà Đảng ủy, Ủy ƀan Ñân zân, Hội đồng Ñân zân, Ủy ƀan Mặt trận dà lơgar Việt Nam tơl xã 1 bơnah phan geh 2 tơlak đông priă mat, pà phan kờp priă 500 rbô đông mờ 1 rbô nơm chèu glòm muh mat; pà 20 bơnah phan tàm dùl xã ai ală hìu bơnhă geh sră dong kờl bơh dà lơgar, hìu bơnhă kal ke (tơl bơnah phan geh 200 rbô đông priă mat mờ phan ngui sa pal geh kờp priă 300 rbô đông).

Cau mblàng K’Duẩn