Tàm dơ̆ tìp mat, làng bol cau tĕ khà xã Dà Nhim, kơnhoàl Lạc Dương, càr Lâm Đồng dan mờ Mpồl kwang bàng Quôk hội càr Lâm Đồng 2, 3 bơta mờ kơnhoàl, càr bal mờ dà lơgar pal gờñ sền gròi, sền sơ wì bơsong. Tàm hơ̆, geh bơta gùng dờng 27C gơbàn ờ diơng, sùm kòl gùng tài bơh tơrlah, uă gơl kue ngòt rơngơt mờ ờ niam tus broă lòt rê; mhar kờp sền, lơh sră ngui ù ai làng bol in, broă dong kờl bơh kwang bàng lơh broă ờ ờs mờng kâp xã dê lơyah ir…

Ala mat mpồl kwang bàng Quôk hội càr Lâm Đồng, ồng Phan Đình Trạc cih dờp ală jơnau đơs, jơnau dan bơh cau tĕ khà dê mờ geh tơrgùm, geh jơnau yal mờ Quôk hội in tàm ală dơ̆ pơrjum tus. Tàm hơ̆, đơs nền jơnau sồr bơcri priă rề ơnàng, lơh niam gùng dờng 27C là jơnau dan ngan ngồn bơh cau tĕ khà dê mờ dipal mờ gùng dà bơtàu tơnguh tiah Tây Nguyên bơh Ƀộ Cíñ trị dê. Di dơ̆ do, ala mat Ƀan Nội cíñ dà lơgar, ồng Phan Đình Trạc neh jàu pà 20 bơnah phan ai ală hìu bơnhă kal ke, hìu bơnhă geh sră dong kờl bơh dà lơgar tàm xã Dà Nhim; lòt còp Anih tờm jat sền mờ đơng pơlam ngac ngar bơh kơnhoàl Lạc Dương dê.