VOV4.K’ho- Lam lơh broă lơh ờ sa priă dia, tơrmù priă dia jat Nghị quyết sồ 43 bơh Quôk hội dê bè dong kờl bơtàu tơnguh wơl mờ bơtàu tơnguh lơh sa- mpồl bơtiàn, bơh ngai 01/02/2022, Kông ty ồs đèng Dăk Nông neh lam lơh tơrmù 2% priă dia ngui gơguh tai VAT gơ wèt tus mờ cau ngui đèng tàm càr. Khà tơrmù priă dia bơh 10% gơmù gam 8%.

Cau lơh broă PC Dăk Nông pơlam cau ngui đèng cih mat ngui ală broă drơng ala tàm điện thoại

Jat Kông ty ồs đèng Dăk Nông yal, kờp bal pah nhai, kông ty ồs đèng Dăk Nông tơlik rlau 165 rbô sră yal priă đèng tàm điện tử ai cau ngui đèng in, kờp jơh khà priă tơrmù priă dia gơguh tai VAT là rlau 20 tơmàn đông. Khà dia pa geh gah ồs đèng gàr sùm ngui tus jơh nam 2022, mờ bơta kơp kờñ dong cau ngui đèng tơrmù ƀà priă ngui đèng, pơgồp bơnah lam lơh geh cồng nha bơtàu tơnguh wơl mờ bơtàu tơnguh lơh sa- mpồl bơtiàn.

Cau mblàng K’Duẩn