VOV4.K’ho - Kông ty điện lực càr Dăk Lăk pa bơyai sơn đờm lơh hìu nùs nhơm pà cau Mè Việt Nam khin cha jăk chài Nguyễn Thị Cự, kis tàm xã Hoà An, kơnhoàl Krông Păc.

                                                          Sơn đờm mŭt lơh hìu nùs nhơm

Bơh nam 2016, PC Dăk Lăk neh dờp ròng siam Mè Nguyễn Thị Cự tus jơh rài. Bal mờ broă còp să, jào priă ròng siam pah nhai, Kông ty kung sùm sền gròi tus mờ bơta pràn kơl dang să jan, rài kis phan bơna bal mờ nùs nhơm nàng Mè gơtùi kis chờ, kis pràn kơl dang bal mờ kòn sao. Tài hìu Mè gam ơm neh ngui mờr 20 nam do, den tàng neh ờ kơl jăp tai, ờ gơtùi lơh kơl jăp tai, PC Dăk Lăk dong kờl 50 tơlăk đong nàng bal mờ gơnoar atbồ tàm do lơh hìu nùs nhơm pa nàng ƀuơn tàm broă sền gàr Mè Nguyễn Thị Cự. Hìu geh lơh ơnàng 25 thơ̆k vuông mờ geh tơl ală bơta kwơ ngui jŏ jòng.

Cau cih VOV Tây Nguyên-Cau mblàng Ndong Brawl