VOV4.K’ho- Phó Củ tịc Quôk hội ồng Nguyễn Đức Hải pa geh dơ̆ lòt còp, nting bơr gờm chờ sa tềp tàm Gia Lai. Lơh broă mờ Ủy ƀan Ñân zân càr mờ Mpồl kwang bàng Quôk hội càr Gia Lai, Phó Củ tịc Quôk hội ồng Nguyễn Đức Hải cih dờp mờ jờng rơ ngan ală cồng nha tàm jơh ală gah broă bơh càr Gia Lai dê lơh geh tàm nam lài. Bulah kòp Kovid-19 gơbàn kal ke, mơya tàm nam 2021, broă tă tơm kes priă tàm Gia Lai geh bơta tam gơl uă ngan.

Phó Củ tịc Quôk hội ồng Nguyễn Đức Hải pà phan pà ai kông ñân in

Càr neh tă kes priă rlau 28 tơmàn đong nàng dong kờl sa tềp ai ală cau geh sră dong kờl bơh dà lơgar in, ală hìu bơnhă rƀah mờ ală broă lơh drơng sa tềp. Kờp tus ngai 20/01/2022, jơh gùt càr Gia Lai neh lam lòt còp, pà mờr 33 rbô bơnah phan pà sa tềp ai cau geh màng mờ dà lơgar in, bal mờ priă tă rlau 8 tơmàn đong; pà mờr 62 rbô bơnah phan sa tềp ai ală cau ndai in mờ kờp jơh priă tă blơi phan pà là mờr 24 tơmàn đong. Phó Củ tịc Quôk hội ồng Nguyễn Đức Hải jờng rơ càr Gia Lai neh lơh jăt niam jơnau sồr bơh Dà lơgar dê bơyai lơh sa tềp niam ờdo ờdă mờ tềm pềr; kwơmàng sền gròi niam ai ală hìu bơnhă kal ke, hìu bơnhă geh màng mờ dà lơgar in.

Cau mblàng Lơ Mu K’Yến