VOV4.K’ho - Mho ngai 10 nhai 02, tàm hìu lơh broă Chíñ phủ, Mpồl duh broă pơgồp bal, yal broă bơto bơtê adăt boh lam Dà lơgar bơyai lơh dơ̆ pơrjum lơh jăt gùng dà broă lơh, kơnòl nam 2022.

Phó Thủ tướng Thường trực Cíñ phủ ồng Phạm Bình Minh, Củ tịc Mpồl duh broă đơng lam pơrjum, đơs tờm broă Mpồl duh broă neh pơlam mờ Ƀan Ƀí thư, Cíñ phủ bè broă lam sồr yal adăt boh lam mờ broă Cíñ phủ lơh jăt mpồl duh broă là tơngu me nàng Mpồl duh broă lơh jăt kơnòl tàm tơngai tus. Phó Thủ tướng Cíñ phủ đơs loh, broă pơgồp bal đah ală kwang bàng tàm mpồl duh broă, đah ală ƀộ, gah lơh broă dà lơgar, ală càr, ƀòn dờng tàm broă yal bơto bơtê adăt boh lam gam ờ nền nòn, ờ lơh sùm, tàm hơ̆ uă ngan là tàm ală gah broă, ală tiah ha là mpồl cau pal geh broă pơgồp bal ală gah lơh broă. Broă lơh jăt ờ uă broă pơgồp bal bè yal, bơto bơtê adăt boh lam gam mìng lơh gời, cồng nha ờ uă. Phó Thủ tướng Thường trực Cíñ phủ ồng Phạm Bình Minh sồr: Pal tơnguh jơnau git wă bơh ală mpồl lơh broă cíñ trị tàm broă yal bơto bơtê dà adăt boh lam.

Cau mblàng Ndong Brawl