VOV4.K’ho- Phó Thủ tướng Cíñ phủ ồng Vũ Đức Đam pa lòt còp mờ pà phan pà ai ală hìu bơnhă cíñ sac, hìu bơnhă rƀah, kông ñân mờ cau lơh broă kal ke tài gơrềng bơh kòp Kovid-19 dê tàm càr Bình Thuận.

Phó Thủ tướng ồng Vũ Đức Đam nting bơr gờm chờ sa tềp Mpồl ling sền gàr tiah nhàr lơgar càr Bình Thuận 

Phó Thủ tướng tam pà bal ală kal ke, bòl glar bơh làng bol càr dê tàm nam 2021. Mơkung sồr ală kấp kông đoàn càr pơn jăt tai sền gròi kơlôi rơcăng niam rlau rài kis phan bơna mờ nùs nhơm ai cau lơh broă in; ngan là sền gròi uă tus ală cau gơtìp gơrềng bơh kòp Kovid-19. Di tàm dơ̆ do, mpồl lơh broă bơh Phó Thủ tướng dê neh lòt còp mờ pà phan pà ai Gah đơng lam mpồl ling sền gàr tiah nhàr lơgar càr Bình Thuận mờ Mè Việt Nam khin cha jak chài Lê Thị Đặng in tàm sơnah ƀòn Phú Tài, ƀòn dờng Phan Thiết.

Cau mblàng Lơ Mu K’Yến