VOV4.K’ho- Ủy ƀan Thường vụ Quôk hội bơyai lơh pơrjum lam lơh jat broă lơh jat sền bơh Quôk hội dê nam 2023, tàm tơrbŏ tàm internet mờ 49 mpồl kwang bàng Quôk hội ală càr, ƀòn dờng.

Pơrjum nàng kờñ sền sơwì jơh ală bơta lam lơh jat broă lơh jat sền bơh Quôk hội, Ủy ƀan Thường vụ Quôk hội nam 2022 mờ lam lơh ală tơngume gơwèt broă lơh jat sền bơh Quôk hội, Ủy ƀan Thường vụ Quôk hội nam 2023. Ală kwang bàng ai jơnau đơs bè ală tơngume bè: kal ke, kòl yan tàm broă lam lơh jat broă lơh jat sền bơh Quôk hội, Ủy ƀan Thường vụ Quôk hội nam 2022; broă lơh lam lơh geh cồng nha broă lơh jat sền bơh Quôk hội, Ủy ƀan Thường vụ Quôk hội nam 2023, tơrgùm đơs ală broă lơh tơnguh uă bơta niam, cồng nha lơh jat 4 tơngume jat sền bơh Quôk hội dê.

VOV.VN - Cau mblàng K’Hạnh