VOV4.K’ho- Drim ngai 27/9, Ủy ƀan Thường vụ Quôk hội bơyai lơh pơrjum lam lơh Broă lơh jat sền bơh Quôk hội dê nam 2023. Pơrjum đơs, tàm tơngai lài, broă lơh jat sền bơh Quôk hội dê neh geh sơlơ tơnguh mờ geh bơta tam gơl pa, ngai sơlơ tơnguh cồng nha, lơh geh uă cồng nha kuơmàng.

Tơngume jat sền geh Quôk hội sac rơ wah di mờ bơta geh ngan bơtàu tơnguh bơh dà lơgar dê, tơrgùm tàm ală broă dờng, broă kuơmàng halà broă ờ suk bơh rài kis dê. Đơs pơn dut pơrjum, Củ tịc Quôk hội ồng Vương Đình Huệ sồr, ală anih lơh broă bơh Quôk hội, anih lơh broă geh gơnoar git nền broă tơnguh cồng nha broă lơh jat sền là dùl tơngume kuơmàng, tơngume tờm ngan tàm broă lơh tam gơl pa lơh broă bơh Quôk hội dê jat nùs nhơm, gùng dà bơh Đảng dê bè bơt bơtàu dà lơgar gơnoar adat boh lam Xã hội củ nghĩa làng bol dê, tài làng bol, bơh làng bol.

VOV.vn - Cau mblàng K’Duẩn