VOV4.K’ho - Ƀộ Giáo dục mờ Đào tạo pà git, bè bơta tờm, gùng dà broă rơwah kơnòm bơsram mŭt bơsram đại họk nam 2022 gam gàr di mờ gùng dà rơwah bè nam lài mờ geh lơh niam wơl bè đah kỹ thuật. Mơya, sền kwang đơng lam ală hìu bơsram đại họk, bŭ lah mìng tam gơl bè đah kỹ thuật, mơya ală jơnau kơ̆p kờñ tam gơl tàm kàl pơrlòng mŭt bơsram nam 2022 gam gơrềng uă ngan tus mờ kơnòm bơsram bal mờ ală hìu bơsram, den tàng pal gờñ yal kơrnoăt rơwah kơnòm bơsram nàng ală hìu bơsram bal mờ kơnòm bơsram in git mờ geh rơndăp broă rơcang mùl màl.

Jăt Ƀộ Giáo dục mờ Đào tạo yal, gùng dà broă tam gơl pa tàm broă rơwah kơnòm bơsram mŭt bơsram đại học nam 2022 là pơn jăt tai ngui công nghệ thông tin, nàng ai tơl bơta ƀuơn rơlao tai ai kơnòm bơsram bal mờ ală hìu bơsram đại học in mờ tơmù ờ uă ngan ală sră nggal. Ƀộ Giáo dục mờ Đào tạo pà git, geh mhar lơh gơs rơndăp broă lơh kơrnoăt rơwah kơnòm bơsram nam 2022 nàng dan geh jơnau đơs jăt kơrnoăt lài mờ tŭ geh tơlik mùl màl.

Cau mblàng Ndong Brawl