Quốk hội đơs niam broă lơh ngan bơh gah bơto bơtê mờ bơsram bal mờ broă sền gròi bơh Đảng mờ Dà lơgar gơwèt mờ mpồl cau pơgru đơs bal.

                       Kwang bàng ala măt Quốk hội cri bơyai tàm hìu pơrjum dờng bè lơh sa mpồl bơtiàn

Mơya, tàm 2 nam nggùl mờ bơh rơlao 14 rơbô nă cau pơgru, tàm hơ̆ mìng là cau pơgru mầm non mờ cau pơgru bơto phổ thông lik bơh tiah dà lơgar, pal sền wơl bơta mùl màl hơ̆ sồng geh broă lơh di pal. Jăt ală kwang bàng đơs, bơh tŭ do tus nam 2026 kờp dŭ ờ tơl 107 rơbô nă cau pơgru. Khà do pal geh kơlôi sơnơng, bơtơl ai broă bơto mờ bơsram bè ờs mờ nàng lơh jăt ală jơnau kờñ tam gơl pa mờ tơnguh uă bơta niam broă bơto mờ bơsram. Ƀộ trưởng Ƀộ Giáo dục mờ Đào tạo ồng Nguyễn Kim Sơn mblàng lơh loh bè broă ờ tơl cau pơgru, ơm ờ lơh broă mờ tam gơl broă lơh. Bè broă lơh, Ƀộ trưởng ồng Nguyễn Kim Sơn đơs loh: Ƀộ Cíñ trị neh kĭ ai geh 65 rơbô nă cau pơgru, tus tŭ do Sở Giáo dục bal mờ Sở Nội vụ ală càr gam sơn đờm rơwah cau pơgru.