Kờp dŭ broă rơndap lơh bơtàu tơnguh lơh sa- mpồl bơtiàn nam 2023; Bơta lơh jat kes priă dà lơgar nam 2022; kờp dŭ lài kes priă dà lơgar, broă rơndap lơh bơcri priă dà lơgar priă kes priă dà lơgar, gùng dà broă lơh tam pà kes priă dà lơgar nam 2023.

Ală kwang bàng tus bal tàm pơrjum cribơyai

Tàm pơrjum ƀùi drim, ală kwang bàng đơs ală broă lơh sơndră di tŭ giă xăng zờu; bơsong ală rơndap broă lơh hoàc huơr ờ geh cồng nha; sồr pờ ơnàng rlau tai broă lơh mơya pơgồp bal mờ cồng nha bơcri priă dà lơgar dê nàng pleh bơta hoàc huơr ờ niam lơh sa dờng.

Ƀộ trưởng Ƀộ Y tế mò Đào Hồng Lan mblàng lơh loh tềng đap Quôk hội

Tàm pơrjum, ală kwang bàng kung sồr sền sơ wì ai gơnoar pơn jat tai tơn jŏ tơngai lơh jat broă tơn jŏ tai tơngai mŭt lơh sră dan tăc sơnơm nàng kờñ tă bơsong gờñ ngan rlau jơh bơta ờ tơl sơnơm, phan bơna gah lơh sơnơm, gàr niam ală bơta kham, sơm kòp ai làng bol in. Ală Kwang bàng đơs nền: ờ geh sơnơm nàng sơm kòp là geh glài kơn jơ̆ ngan mờ làng bol.