Kung tàm ngai do 11/11, ală kwang bàng Quôk hội cribơyai tàm hìu pơrjum bè rơndăp broă lơh Adat lơh broă kă bro tàm internet (tam gơl) mờ rơndăp broă lơh Adat Giă (tam gơl). Lài hơ̆, tàm mho ngai 10/11, Quôk hội neh pờ tê ring bal Kơrnoăt bè Broă rơndăp lơh bơtàu tơnguh lơh sa- mpồl bơtiàn nam 2023. Pal sền ngăc là broă Quôk hội sồr di tŭ bơsong jơh jơnau ờ tơl sơnơm, ờ tơl phan ngui măy mok gah lơh sơnơm in. Jơnau gơbàn bơh bơta ờ tơl sơnơm, măy mok phan ngui gah lơh sơnơm in geh Gah lơh sơnơm yal loh là tài bơh jơnau ờ rơcăng lài là tờm. Hơ̆ là broă bơyai lơh tàm pơrlòng giă bal lơyài geh lam lơh; ờ hềt jơh nùs cribơyai giă sơnơm di mờ bơta geh ngan tàm drà; lơyài tơn jŏ tơngai lơh sră dan cih mat sơnơm...Jăt ală kwang bàng đơs, dùl tàm ală jơnau gơlam tus bơta geh ngan do gơrềng tus kơrnoăt, gùng dà broă lơh, jơnau sồr bơh adat boh lam dê. Den tàng bè hơ̆, kờñ pal tam gơl di tŭ gùng dà broă lơh nàng kờñ tă bơsong kal ke, ngan ngồn bañ lời tơn jŏ jơnau ờ tơl sơnơm, măy mok phan ngui gah lơh sơnơm.