VOV4.K’ho- Drim ngai 24/05, dơ̆ pơrjum dơ̆ 3, Quôk hội khoă XV neh iăt sră yal, jơnau yal lùp sền bè tơn jơh, sền swì jơh ală broă lơh jăt Kơrnoăt sồ 66 bơh Quôk hội dê mờ broă rơndăp lơh lam lơh rơndăp broă lơh gùng Hồ Chí Minh tơngai pơn jăt tai.

Jăt Sră yal bơh Cíñ phủ dê, tus jơh nam 2020 gam 6 gơl gùng bal mờ kờp jơh jòng pơgăp 279 kơi sồ ờ hềt lơh, tàm hơ̆ rơ̆p pa tàm pơnring ai priă jền ai 3 gơl gùng in mờ kờp jòng 108 kơi sồ, digơlan geh lơh gơs tàm tơngai bơh nam 2021- 2025. Tus nam 2021, Rơndăp broă lơh neh geh lơh sir pơgăp 2 rbô 362 kơi sồ, lơh geh rlau 86% mờ 258 kơi sồ gơl gùng sơnĕ; gam lơh 211 kơi sồ; ờ hềt ai priă nàng lam lơh 171 kơi sồ gam wơl nàng tàm tơrbŏ jơh gùt gơl gùng Hồ Chí Minh. Jơnau yal lùp sền bơh Ủy ƀan Jak chài, Măy mok mờ Tiah ơm kis dê dùl nùs bal mờ jơnau sồr mờ sền bal ring bal mờ jơnau rơcăng cih tơngume bè rơndăp broă lơh gùng Hồ Chí Minh ai tơmŭt tàm kơrnoăt bal bơh dơ̆ pơrjum dê jăt sră yal bơh Cíñ phủ dê.

Cau mblàng Lơ Mu K’Yến