VOV4.K’ho- Nàng gàr tơl khà xăng zờu geh tơl ai drà kă bro tàm lơgar in, Ƀộ Kông thương pa geh ală sră nggal đơng lam, sồr lơh bè broă gàr niam khà tăc xăng zờu pơyoa Sở Kông thương ală càr, ƀòn dờng mờ ală cau tăc bro, cau lơh sa kă bro xăng zờu in.

Ngan là, gơwèt mờ ală cau kă bro bơh sơn rờp xăng zờu, ală cau kă bro tam pà xăng zờu; pal rcang lài xăng zờu, geh broă lơh blơi bơh lơgar ndai nàng gàr niam tăc tơl xăng zờu ai drà kă bro tàm lơgar in tàm tơngai tus. Gơwèt mờ Sở Kông thương ală càr, ƀòn dờng, jat sền niam broă tăc xăng zờu tàm ală anih ràng tăc rah rài xăng zờu tàm ù tiah dê, bañ lời gơlik geh bơta ơm ờ tăc xăng zờu dilah ờ geh jơnau tờm ngan. Tàm tŭ lam lơh, dilah geh bơta gơkòl, sồr yal di tŭ mờ Ƀộ Kông thương in nàng pơgồp bal bơsong.

Cau mblàng K’Hạnh