VOV4.K’ho- Drim ngai 12/4, Ƀộ Lao động, Thương ƀiñ mờ Xã hội, Tổng Liên đoàn Lao động Việt Nam, Ƀảo hiểm Xã hội Việt Nam, Liên đoàn Thương mại mờ Kông nghiệp Việt Nam, Hiệp hội mpồl lơh sa kă bro dềt mờ di mơ Việt Nam kĭ Broă lơh pơgồp bal bè dong kờl cau lơh broă, cau ngui cau lơh broă mờ bơtàu tơnguh drà kă bro cau lơh broă.

Mùl màl, tơngai tus, ală gah lam lơh jơh nùs, geh cồng nha, gàr niam tŭ tơngai lam lơh ală kơnòl broă, broă lơh bơh Broă lơh bơtàu tơnguh wơl mờ Bơtàu tơnguh lơh sa- mpồl bơtiàn dê jat Nghị quyết sồ 11 bơh Cíñ phủ dê; gàr niam lam lơh jơnau kờñ bơtàu tơnguh git gơp lơh broă ring niam, kơ̆ kơljap sùm mờ tam gơl pa tàm tŭ tơngai pa. Tàm tơrbŏ niam đah mpồl lơh gơlik, jơnau kờñ ngui mờ drà kă bro cau lơh broă kơ̆ kơljap, ai di tŭ cau lơh broă geh bơta niam ai drà kă bro in; pơn jat tai lam lơh geh cồng nha ală broă lơh gàr ờdo ờdă rài kis mpồl bơtiàn, broă dong kờl mpồl bơtiàn, ngan là broă lơh Ƀảo hiểm xã hội, gàr ờdo ờdă rài kis mpồl bơtiàn kơ̆ kơljap ai cau lơh broă in. Ală gah geh lam lơh jat mờ sền sơ wì cồng nha ală broă lơh dong kờl cau lơh broă, cau ngui cau lơh broă, ngan là tơn jơh, sền sơ wì ală broă lơh dong kờl làng bol, cau lơh broă, cau ngui cau lơh broă jat Nghị quyết sồ 68 bơh Cíñ phủ dê.

Cau mblàng K’Duẩn