VOV4.K’ho- Đơs tàm pơrjum dơ̆ 2 bơh Mpồl duh broă tàm pơrlòng- jờng rơ kâp dà lơgar geh lơh tàm drim ngai 14/04, Thủ tướng Cíñ phủ ồng Phạm Minh Chính sồr broă bơyai lơh srơh tàm pơrlòng- jờng rơ den pal geh kwơ ngan ngồn mờ mùl màl geh bơh làng bol.

Broă lơh tàm pơrlòng, jờng rơ pal lơh ngan rlau tai, pơđơl pràn rlau tai, bơceh lơh rlau, geh kwơ rlau, lòt di broă, di jơnau kờñ, drơng lơh jăt geh cồng nha Kơrnoăt Pơrjum dờng cau ala măt gùt lơgar dơ̆ XIII bơh Đảng dê, ală Kơrnoăt bơh Dà lơgar, Quôk hội, Cíñ phủ, bơh kâp ủy ală kâp dê. Jơh nùs sền gŏ, mblàng yal ală mpồl cau, cau dùl nă să geh cồng nha pơnrơ jak ngan tàm broă rơcăng sơndră kòp Kovid-19, rơcăng sơndră sa kwề sa kwà, pơhì pơhà, ală krơh geh cồng nha jak ngan tàm broă lơh, lơh broă lơh sa, bơsram sră nàng lơh gơrề mờ lơh uă.

Thủ tướng đơs sùm, srơh tàm pơrlòng kờñ pal pơgồp bơnah dong tơnguh broă tơn jơh 100 rbô nơm hìu ồm sèt ñhăt dà mìu tàm jơh 74 kơnhoàl rƀah bơh priă jền Dà lơgar mờ hòi jà ală mpồl bơtiàn lơh bal, tàm hơ̆ ai lài ai cau geh màng mờ dà lơgar, hìu bơnhă cíñ sac, tiah tam lơh kăc màng, ală tiah kal ke in.

Cau mblàng Lơ Mu K’Yến