VOV4.K’ho- Ƀộ Lao động, Thương ƀinh mờ Xã hội pa geh sră yal Thủ tướng Cíñ phủ in bè broă dan Củ tịc lơgar pà phan ai cau geh màng mờ dà lơgar in di tơngkah 75 nam Ngai cau ling sồt să- cau ling chơt màng (27/7). Jat hơ̆, Ƀộ Lao động, Thương ƀinh mờ Xã hội sồr tă rlau 400 tơmàn đông nàng pà phan ală Mè Việt Nam khin cha jak chài, cau tờm cau ling chơt màng, cau ling kòp tê jê să. Drim ngai 15/6, tàm Hà Nội, Mpồl dong kờl hìu bơnhă cau ling chơt màng Việt Nam bơyai lơh dơ̆ lam lơh broă lơh ñắn tin “Kah ưn ngài cau ling chơt màng nam 2022”. Mờ bơta pơlam TALS pơyua tus 1400, tơl tin ñắn geh pơyua geh dong kờl 20 rbô đông Kah ưn ngài cau ling chơt màng nam 2022. Tơngai lam lơh bơh ngai 15/6 tus ngai 13/8/2022. Broă lơh do ai tơnggŏ nùs nhơm ki ngàm, kah ưn ngài uă ngan bơh bơhiàn “Hùc dà kah tô dà”, “Kis git jơnau git adat” dê mờ là bơta niam bơnĕ bơh jơi bơtiàn he dê. Do là bơta dong kờl ngan ngồn gơ wèt tus mờ hìu bơnhă cau ling chơt màng.

Cau mblàng K’Duẩn