VOV4.K’ho- Tềng đăp bơta gơbàn geh jơnau dùl êt hìu rang tăc rah rài xăng zờu til mpồng, ờ tăc, gơrềng tus lơh sa, ơm kis bơh làng bol dê tàm bàr pe tiah, Thủ tướng Cíñ phủ geh sră pơyua sồr ală ƀộ, anih lơh broă, ală tiah lơh mhar, lơh jăt niam ală jơnau sồr bơh Kwang đơng lam bồ Cíñ phủ dê, tàm hơ̆ jàu Ƀộ Kông thương đơng lam, pơgồp bal mờ ală ƀộ, anih lơh broă geh gơrềng rơcăng lài, kràñ cê jơh nùs tàm broă đơng lam tàm pơnring jơnau kờñ tăc blơi tàm drà kă bro xăng zờu jăt gơnăp gơnoar mờ gơnoar broă, kơnòl broă geh jàu, gàr niam ờ lời ờ tơl uă ngan xăng zờu ai drà kă bro tàm lơgar in; lam mpồl làm gah lùp sền, lòt sền ală anih lơh gơlik, kă bro xăng zờu, ală hìu ràng tăc xăng zờu tàm gùt lơgar nàng di tŭ gŏ mờ kràñ cê jơh nùs lơh glài kràñ jăt jơnau sồr bơh kơrnoăt boh lam dê gơwèt mờ ală broă lơh pồn phan nàng kờñ jòi sa priă mờ ală broă lơh tìs ndai (dilah geh) tàm broă lơh kă bro xăng zờu; Ủy ƀan Ñân zân ală càr mờ ƀòn dờng tàm gùt lơgar lòt sền, jăt sền nền broă tăc xăng zờu bơh ală hìu ràng tăc rah rài xăng zờu tàm tiah he dê, gàr niam ờ gơtìp ờ geh xăng zờu tăc bro...

Cau mblàng Lơ Mu K’Yến