VOV4.K’ho- Ủy ban Ñân zân càr Sơn La pa pơrjum Mpồl bơyai lơh ală broă lơh Pơrjum Thủ tướng Cíñ phủ tơm bơh bơr mờ cau lơh broă sa; Festival plai chi mờ phan bơna OCOP Việt Nam nam 2022 tàm càr Sơn La. Pơrjum Thủ tướng tơm bơh bơr mờ cau lơh broă sa Việt Nam nam 2022 mờ Festival plai chi mờ phan bơna OCOP Việt Nam nam 2022 là broă lơh cíñ trị kuơ màng geh bơyai lơh tàm càr Sơn La tàm nhai 5 nam 2022.

Pơrjum geh bơyai lơh pờ tơlik tơn tàm anih tờm càr Sơn La dê mờ geh pờ tơlik tàm internet tus 62 anih tàm tơrbŏ bal tàm gùt lơgar. Tŭ do neh tơrgùm jơh ală jơnau đơs, jơnau dan, bơh ală cau jak chài, mpồl cau lơh sa kă bro, hợp tác xã, cau lơh broă sa tàm dơ̆ pơrjum; dan jơnau đơs đơng lam bơh Thường trựk Tỉñ ủy; tơrgùm sră cih 200 nă cau lơh broă sa pơn rơ jak tus bal tàm pơrjum tàm anih tàm tơrbŏ bal càr Sơn La dê, sac rơwah 10 nă cau lơh broă sa jak ngan tus bal tơm bơh bơr tơn tàm dơ̆ pơrjum.

Cau mblàng K’Hạnh