VOV4.K’ho- Thủ tướng Cíñ phủ ồng Phạm Minh Chính pa geh dơ̆ tơm bơh bơr tơn mờ pờ tơlik tơn tàm internet mờ rlau 4 rơbô 500 nă kông ñân, cau lơh broă tàm 63 anih tàm tơrbŏ bal tàm ală càr, ƀòn dờng, tàm gùt lơgar.

Anih tơm boh bơr

Đơs tàm dơ̆ tơm bơh bơr, Thủ tướng Cíñ phủ ồng Phạm Minh Chính đơs sùm, Đảng, Dà lơgar neh sền gĭt gùng dà broă lơh mìng dùl lơm nùs nhơm kơlôi sơnơng sùm mờ neh ai ngui uă gùng dà broă lơh kwơ màng, broă lơh jŏ jòng, đơs sùm gơnoar broă, bơngă bơh rơnàng kông ñân dê. Bơh dơ̆ tơm bơh bơr, Thủ tướng Cíñ phủ gĭt tơn nùs nhơm, bơta kơ̆p kờñ, ală bơta chờ hờp kung bè bơta kơlôi sơnơng bơh kông nhân, cau lơh broă dê; dờp ală jơnau đơs, jơnau dan, bơh hơ̆ pơn jat tai lơh sir broă lơh dong kờl gơwèt mờ kông ñân, cau lơh broă in. Thủ tướng sồr, tơnơ̆ jơh dơ̆ tơm bơh bơr do tơn, ală Ƀộ, Ngàñ mờ ală tiah mut lơh mơ tơn tàm broă bơt bơtàu broă rơndap lơh, tŭ tơngai lơh broă nàng bơsong tơl broă, geh phan bơna mờ cồng nha ngan ngồn, yal tus mờ kông nhân, cau lơh broă in.

Cau mblàng K’Hạnh