VOV4.K’ho- Mang ngai 17/10, tàm Hà Nội, Thủ tướng Phạm Minh Chính tus bal broă lơh “Gùt lơgar at tê bal tài cau rƀah” nam 2022 mờ tơngume “Gùng lòt bơh bơta kơp kơnờm dê”.

Thủ tướng Phạm Minh Chính đơs tàm broă lơh “Gùt lơgar at tê bal tài cau rƀah”

Do là broă geh kuơ bè cíñ trị, mpồl bơtiàn mờ niam chài kòn bơnus niam ngan nàng kờñ gàr niam bơhiàn tam klac bal, nùs nhơm tàm dong kờl, kờñ gơboh bal kòn bơnus bơh mpồl bơtiàn dê nàng gròi sền dong kờl cau rƀah brồ guh lik klàs rƀah kơ̆ kơljap. Đơs tàm dơ̆ bơyai lơh, Thủ tướng Cíñ phủ ồng Phạm Minh Chính đơs nền, at tê bal tài cau rƀah- ờ lời cau lơi gơtìp lời wơl hờ ngkời” bơh Thủ tướng Cíñ phủ lam lơh mờ lam lơh Nhai lơh broă uă “Tài cau rƀah” nam 2022 ờ mìng là jơnau đơs mờ là ală broă lơh ngan ngồn. Thủ tướng sồr mờ hòi jà ală Ƀộ, gah broă lơh dà lơgar, anih lơh broă, ală càr, ƀòn dờng pơn jat tai tam lơh ring bal, geh cồng nha ală gùng dà, broă lơh bè tơrmù rƀah, ngan là 3 broă lơh jơnau kờñ dà lơgar. Bơsong di tŭ ală kòl yan gơlik geh. Sơlơ tơnguh jơnau git wă, bơta chài lơh sa, ai geh tai broă lơh ai cau rƀah in.

VOV/Cau mblàng K’Duẩn