Jat kơrnuat, gùng ù gờl rơndeh ntoat rat Tân Phú- Bảo Lộc jòng mờr 66 kơi sồ. Rơndap broă lơh geh bơcri priă lơh gơl gùng jat tơl khà gùng rơndeh ntoat rat, khà ntoat rat bơceh lơh là 80 kơi sồ dùl jơ, mờ 4 bơnàng gùng rơndeh oto. Kờp jơh priă bơcri rơndap broă lơh in tŭ tơngai tam pà gơs uă bơnah là 17 rbô 200 tơmàn đông. Ủy ƀan Ñân zân càr Lâm Đồng là anih lơh broă geh gơnăp gơnoar mờ lơh bal mờ ală cau bơcri priă.

Sră wac sềr gơl gùng rơndeh ntoat rat Tân Phú- Bảo Lộc

Thủ tướng sồr ală tiah mờ ală ƀộ, gah broă lơh dà lơgar geh gơ rềng pơgồp bal jơh nùs tàm tŭ lam lơh rơndap broă. Jơnau kờñ bơh rơndap broă dê nàng hời rơ hời bơt bơtàu rơndap tăp sèng phan bơna ring bal, tơnguh bơta pràn tàm tơrbŏ bal, tơrmù lơyah tŭ tơngai tàm tơrbŏ ală càr Tây Nguyên mờ tiah lơh sa tờm đah jum dà lơgar mờ ală anih tờm lơh sa, mpồl bơtiàn, lơh sa mờ măi mok jat kềng gùng rơndeh 20; mờ kung lơh gơlik bơta pràn chul chồl bơtàu tơnguh pràn kơldang lơh sa- mpồl bơtiàn, sơlơ chồl pràn bơtàu tơnguh nhơl chờ bơh càr Lâm Đồng dê đơs is mờ tiah Tây Nguyên dê đơs bal. Rơndap broă lơh kờp dŭ lơh gơs mờ ai ngui tàm nam 2026.