VOV4.K’ho - Phó Thủ tướng Cíñ phủ ồng Lê Minh Khái pa tơlik kơrnoăt tam gơl, bơtơl mờ uă bơta tàm kơrnoăt sồ 157 nam 2007 bơh Thủ tướng Cíñ phủ bè broă ai càn priă gơwèt mờ kơnòm bơsram, cau bơsram dờng.

Jăt mờ hơ̆, khà priă càn uă ngan là 4 tơlăk đong tàm 1 nhai 1 nă kơnòm bơsram cau bơsram dờng. Bè hơ̆,  pơn drờm mờ khà lài neh geh ngui, den khà priă ai càn uă ngan gơwèt mờ kơnòm bơsram, cau bơsram dờng gơguh tai 1 tơlăk 500 rơbô đong tàm 1 nhai 1 nă kơnòm bơsram, cau bơsram dờng. Kơrnoăt kung tam gơl khoản 2 bơta 2 gơwèt mờ cau geh càn priă: Kơnòm bơsram, cau bơsram dờng là cau tàm hìu nhă gơwèt mờ ală cau: 1-Hìu rơƀah jăt khà geh ai bơh adăt boh lam dê; 2-Hìu ndrờm mờ rơƀah jăt khà geh ai tàm adăt boh lam dê; 3-Hìu geh rài kis bè ờs jăt khà geh ai bơh adăt boh lam dê. Khà ai càn priă uă ngan pa yal do geh ngui gơwèt mờ ală khà priă bơcri pa bơh ngai 19 nhai 5 nam 2022.

Cau mblàng Ndong Brawl