VOV4.K’ho - Drim òr, (19/10), tàm càr Bắc Ninh, Phó Củ tịc Thường trựk Quốk hội ồng Trần Thanh Mẫn neh đơng lam pơrjum dơ̆ 4 Ủy ƀan Chài rơgơi, bơto bơtê Quốk hội.

Phó Củ tịc Thường trựk Quốk hội ồng Trần Thanh Mẫn geh jơnau đơs tàm pơrjum

Dơ̆ pơrjum geh sền wơl, cri bơyai, pơgồp jơnau đơs bè 4 tơngu me kwơ màng, tàm hơ̆ geh: Jơnau yal cồng nha broă lơh nam 2022 mờ kờp dŭ broă lơh tàm nam 2023 bơh Ủy ƀan dê; Jơnau yal tus bal lùp sền, sền nàng git cồng nha lơh jăt rơndăp broă tơnguh bơtàu lơh sa, mpồl bơtiàn nam 2022; jơnau yal cồng nha jăt sền, sền gròi broă lơh jăt adăt boh lam bè ờ uă tơngu me: Bơto bơtê mầm non tàm ală tiah lơh sa mờ măi mŏk, tiah lơh gơs phan; bơto bơtê Đại họk; bơto broă lơh mờ jơnau yal cồng nha jăt sền broă sơndră mờ bŭ dà kơnòm dềt. Đơs tàm dơ̆ đơng lam pơrjum, Phó Củ tịc Thường trựk Quốk hội ồng Trần Thanh Mẫn sồr Ủy ƀan pal pơn jăt tai lơh ngan, tơrgùm lơh gơs niam ngan ală kơnòl neh geh ai tàm nam 2022, tàm hơ̆ uă ngan là broă đơng lam, pơgồp bal bơyai lơh geh cồng nha pơrjum cri bơyai bơta chài rơgơi gùt lơgar tàm nam 2022.

VOV.vn/Ndong Brawl mblàng