VOV4.K’ho- Pơn jăt pơrjum dơ̆ 16, mho ngai 11/10, ai jơnau đơs tàm ală jơnau yal lơh sa- mpồl bơtiàn mờ priă jền kes priă, Ủy ƀan Thường vụ Quôk hội sồr lơh loh gơwèt mờ khà priă cồng ờ dipal, giă blơi jơnhoa rlau mờ giă tăc lơh uă mpồl lơh sa kă bro xăng zờu, hoàc hươr pal til mpồng. Mơkung đơng pơlam giă xăng zờu; gròi sền giă ală bơta phan ngui pal geh tài tàm tŭ giă xăng zờu gơmù, uă bơta phan kung gam ơm tàm khà jơnhoa sơl.

Kung tàm mho ngai 11/10, ai jơnau đơs bè jơnau yal bơh Cíñ phủ dê bè cồng nha lam lơh jăt Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn kòn cau dùl êt nă cau mờ tiah kơh bơnơm tơngai bơh nam 2021- 2030, Ủy ƀan Thường vụ Quôk hội sồr mhar lơh sir gùng dà broă lơh tam pà jơh bơnah priă bơcri bơtàu tơnguh ai bơh kes priă dà lơgar dê tơngai bơh nam 2021- 2025 gam wơl; geh gùng dà pơgồp bal broă lơh, tàm tơrgùm priă jền đah ală Broă lơh jơnau kờñ dà lơgar, pal gàr geh cồng nha priă bơcri.

Cau cih VOV Tây Nguyên- Cau mblàng Lơ Mu K’Yến