VOV4.K’ho- Drim ngai 21/04, dơ̆ pơrjum dơ̆ 10, Ủy ƀan Thường vụ Quôk hội tă pơgồp jơnau đơs tàm jơnau rơcăng cih Adat Kham kòp, sơm kòp. Đơs tàm dơ̆ pơrjum, Củ tịc Quôk hội ồng Vương Đình Huệ đơs, jơnau rơcăng cih dơ̆ do neh geh iăt kơno, lơh sir gơs uă tơngume kwơmàng, kung bè cih geh uă broă pa gơlik geh bơh bơta geh ngan rơcăng sơndră kòp bơtờp pa do, tơngŏ bơta lơh ngan bơh Cíñ phủ mờ Ƀộ Y tế dê.

Sră nggal rơndăp lơh adat tơl bơta yal mờ Quôk hội in ai jơnau đơs tàm pơrjum dơ̆ 3. Ồng Vương Đình Huệ kung đơs sùm, adat tam gơl dơ̆ do kờñ pal gàr geh jơnau sồr sền gàr cau kòp, sền gàr mpồl cau lơh sơnơm kung bè yal loh làng, song dơ pă broă lơh kham sơm kòp; lơh gơs kơrnoăt boh lam tơl làm rlau gùng dà broă lơh mpồl bơtiàn lơh bal tàm broă kham sơm kòp. Pal bơsong geh jơnau sơmờm măy mok, măy mok pa tŭ do, lơh tơnguh giă kham sơm kòp jơnhoa ir pơndrờm mờ bơta tơl pràn tă tơm bơh uă ngan làng bol dê.

Cau mblàng Lơ Mu K’Yến