Lơh gơlik ală phan neh geh lơh bơh tàm broă lơh sa suơn sre, ngan là kơmhò kơphe gơs phơng hữu cơ sinh học bơh jo\ neh geh uă cau lơh broă sa tàm ală càr Tây Nguyên mut ngui. Mơya, tài mut lơh ờ hềt di broă pơlam, den tàng ală phơng hữu cơ do bơh làng bol dê kung ờ hềt lơh geh cồng nha niam ngan rlau jơh. Bơh nam 2010 tus tu\ do, mpồl lơh sa kă bro bal mut ngui công nghệ sinh học An Thái tàm tiah lơh sa mờ mai\ mok Hòa Phú neh lơh gơlik geh cồng nha bơta phơng hữu cơ vi sinh bơh sồ mờ kơmhò kơphe, phơng lơh gơlik geh gal ngan cau lơh broă sa kờ` mờ tac geh mờr 20 rbô tấn pah nam, bal mờ hơ\, mpồl lơh sa kă bro kung neh lơh bal mờ cau lơh broă sa nàng mut ngui geh cồng nha broă lơh gơlik phơng hữu cơ vi sinh do:

Nam 2010, hìu mai\ lơh gơlik phơng hữu cơ vi sinh bơh mpồl lơh sa kă bro bal mut ngui công nghệ sinh học An Thái di mpồl lơh sa dờng An Thái tàm tiah lơh sa mờ mai\ mok Hòa Phú bòn dờng Buôn Ma Thuột, càr Dak Lak mut lơh broă. Hìu mai\ ngui jơh khà kơmhò kơphe geh săng bơh hìu mai\ lơh kơphe kung di mpồl lơh sa dờng An Thái dê lơh broă rềp hơ\ tơn. Bơta phan neh geh lơh do neh geh pơr tàm bơta duh jơnhua ngan, den tàng neh lề mờ tơmù dimơ ală bơta kòp. Bal mờ ròt broă lơh pa ngan, broă lơh gơlik pơ gồp bal, pah nam hìu mai\ do lơh gơlik rlau 17 rbô tấn phơng hữu cơ vi sinh mờ rlau 1 rbô tấn ală bơta phơng dà. Ồng Hoàng Phi Hùng kuang jat jơng atbồ mpồl lơh sa kă bro bal mut ngui công nghệ sinh học An Thái pà git:“Lơh gơlik kơphe den geh khà kơmhò uă ngan. Bơh khà kơmhò do den mpồl lơh sa kă bro neh geh bơta sơ nơng là, ala bè làu do he pal bơ song bơ\ bơl tiah ơm kis tu\ săng kơmhồ do den tu\ do he lơh gơlik phơng hữu cơ vi sing, bơh hơ\ gơtùi drơng jơnau kờ` ngui phơng sih bơh làng bol dê. Làng bol ơn phơng, sơngka sền gàr chi tam, hơ\ sồng tac wơl kơphe mpồl lơh sa kă bro in.”

Là bơta phơng uă ngan geh lơh bơh kơmhò kơphe, mơya phơng bơh An Thái dê lơh gơlik neh geh uă ngan cau lơh broă sa dờp mờ kờ` ngui. Jat ồng Trần Văn Dần, cau tàm mpồl lơh sa bal tam biap Thuận An, tàm bòn 2 ntum Ea Kao, bòn dòng Buôn Ma Thuột den làng bol rơ wah phơng sih An Thái dê ờ mìng tài phơng niam, khà priă dipal mờ tài phơng do là bơta phơng kloh niam, ờ huam geh jơnau pơhìn gơbàn ală bơta kòp lơh aniai tus mờ chi tam. Ồng đơs:“ Tu\ do mpồl lơh sa bal tam biăp kloh niam ờ do ờ dă, den tàng kờ` cau ngui sa gàr niam pràn să jan den khà Nitrat tàm biăp pal gơ ơm tàm khà dipal, nàng gơtùi tơmù khà do, pal ơn phơng vi sinh biăp in. den bol a` ngui phơng An Thái dê, den khà Nitrat tàm biăp gơmù uă ngan, gơmù tus hơ đơm khà geh ai. Đơs bal phơng vi sinh tàm dră kă bro uă ngan, mơya phơng An Thái dê pơn drờm mờ ală bơta phơng ndai den niam rlau, dipal rlau mờ tờm biăp, ờ gơtìp aniai, pơn yơu bè tờm biăp ờ gơtìp ro. Dơ\ 2 tai là khà priă kung ờ huan kas ir.”

Mpồl lơh sa kă bro bal mut ngui công nghệ sinh học An Thái gam chồl pràn broă bơto pơlam mờ lơh broă bal mờ làng bol tàm ală tiah tam phan bơh mpồl lơh sa dê tàm broă mut ngui bơta chài lơh gơlik phơng hữu cơ vi sinh bơh kơmhò kơphe, nàng ngui khà phan săng do.

Jat ồng Vũ Đình Hiệu kỹ sư công nghệ sinh học broa\ lơh sa sươn sre, At bồ cơldu\ khà niam bơh Mpồl lơh broa\ pơ gồp bal ngui công nghệ sinh học An Thái: Mìng geh ngai lơh broa\,  ngui kơmhò kơphê mờ ờ ua\ pria\  nàng geh blơi kanh sinh học, phơng chuờng, dùl êt phơng urê, phơng lân, vôi, mờ  sơdàng gơtùi lơh geh phơng tuh hữu cơ sinh học geh khà niam mờ pria\ kung mìng  tus di 30% pơndrờm mờ pria\ phơng ndrờm bal geh tac tàm drà ka\ bro. Bơta ndai, phơng tuh hữu cơ sinh học do ngui chi tam in, geh pơ gồp niam ngan geh tơnhàu ua\, tơmù geh phơng khoáng la broa\ lơh bềng bơta pràn  nàng tềm pềr khà pria\ lơh sa.

            Bè rơndap bơceh lơh, kung jat kỹ sư Vũ Đình Hiệu, ala\ broa\ pal lơh, phan ngui nàng lơh nền nòn ngan mờ tơngai jơm glòm jo\ jòng rlau gùl nam hơ\ sồng geh lơh di  khà phơng geh jàu. Ngan ngồn, làng bol pal sền kuơ ala\ phan kis lơh broa\ ka` sinh học nàng gơ geh lơh broa\ jơh pràn bơh khà  hữu cơ geh tàm ala\ phan neh lơh geh bơh broa\ lơh sa sươn sre. Nền nòn, tàm bơta lơh gơs phơng hữu cơ vi sinh bơh kơmhò kơphê mờ sa\ gam wơl tơnjơh lơh dà kơphê, kỹ sư Vũ Đình Hiếu đơs:“Sa\ gam wơl tơnjơh lơh dà kơphê bơh tơngai dơ\ 1 geh klài bal mờ ala\ bơta bơsềt dra\ bồ tơr gùm jơh dong lơh gơsơt jơh ala\ bơta lơh kòp geh aniai tàm sa\ kơphê gam wơl, tơngai do bè ờs la 1 nhai. Tơnơ\ hơ\ geh bơyai lơh klài bal mờ phơng chuờng, mờ ù bo\ jù mờ bùh sa\ tàu nàng ai bơta bal la vi lượng. Tơngai do, la tơngai jo\ jòng ngan mờ tờm ngan, sùm geh lơh jo\ bơh 3-5 nhai gơ jat mờ trồ tiah mờ phơng geh lơh niam hala ờ niam tàm tơngai do. Tàm tơngai do, bơyai lơh bơsir ala\ jơi phan ka` vi sinh vật lơh niam đàm, vi sinh vật lơh bơsong niam lân mờ geh bơsir tai vi sinh vật  lơh niam xenlulô…tơnơ\ tơngai do,  hơ\ sồng he mut gum, mai\ mờ ơn tàm kơldung  gơs phơng”.

            Nàng làng bol cau lơh broa\ sa pal lơh mbè lơi nàng geh ngui niam jơh ala\ phan jơng kah bơh broa\ lơh sa sươn sre bè kơmhò kơphê, kờ` lơh gơs phơng hữu cơ vi sinh, kỹ sư Vũ Đình Hiệu ai git:Nàng ngui ala\ phan  jơng kah bơh lơh sa sươn sre tàm sươn kơphê làng bol he dê bơh tờm kơphê geh kơmhò kơphê, nha kơphê, ntê ro, tờm  bơh ala\ chi tam. Den làng bol he bơh ala\ phan jơng kah bơh broa\ lơh sa hơ\ he geh bơyai lơh jơm glòm, mờ go\ ngan bơh ala\ phan jơng kah do geh  ua\ khà hữu cơ, gơ kan ngan ồm lề rlau tài gơ bè ờs geh is kờ` pal geh tu\ tơngai jo\ jòng rlau mờ tu\ he jơm glòm. Mờ tu\ geh jơm glòm nàng  lơh phơng tuh tàm sươn sre he dê, làng bol pal kah la klài bal tai mờ phơng chuờng, kờ` bơsir phơng chuờng kung bè ala\ bơta bal vi lượng geh kuơ. Mờ tơmut tai tàm hơ\, làng bol pal bơsir ala\ bơsềt vi lượng, ala\  bơta ka` jơm glòm kơmhò, slơ  geh ua\ vi sinh vật den slơ niam.