VOV4.K’ho - Tam kơphe kơljap jat broa\ lơh 4C neh cèng geh cồng nha lơh sa jơnhua ngan bơh ua\ hìu nha\ làng bol. Broa\ lơh do neh bơh rhời geh tam gơl bơhìan lơh  broa\ sa kơphe yau, dong cau lơh broa\ sa geh git ngui bơta jak chài pa tàm broa\ lơh sa, tềm pềr geh pria\ bơcrih tuh lơh bơh sơnrờp,  bơtàu tơngguh kuơ bơh plai kơphe. Bơh hơ\, lơh geh kơphe tus sa\ tus gar niam, đơs tờm kơphe pin dờ` Việt Nam dê tàm drà ka\ bro dunia. Nàng wa\ loh rlau tai bè bơta pal lơh jat, bơta geh, cồng nha tu\ tam kơphe kơljap jat broa\ lơh 4C, cau ai tơngit jơnau đơs Việt Nam tàm Tây Nguyên neh geh dơ\ tus tìp mờ lùp ồng Lưu Văn Hoàng, ala mat mpồl 4C tàm Việt Nam.

            -Ơ ồng, tam kơphe jat broa\ lơh 4C geh pơrya kuơ màng lơi tàm lơh sa tam kơphe kơljap tu\ do?

            Ồng Lưu Văn Hoàng: Broa\ tam kơphe kơljap nàng bơtàu tơngguh cồng nha, khà niam bơh plai kơphe mờ bơtàu tơngguh  kis gơs mờ rài kis bơh làng bol cau tam kơphe, den tàng broa\ lơh 4C neh gơ gơs la broa\ lơh kuơ màng ngan tàm bơta mut lơh broa\ lơh kơ\ kơljap. Den tàng ngan tàm tơngai lài, bol a` neh geh bơto pơlam mờ dong kờl làng bol tàm broa\ lơh jat broat bơh broa\ lơh 4C nàng gàr niam khà kơphe lơh geh jat khà 4C kơljap tàm bơh 3 bơta, gah broa\ la: Tiah kis, mpồl bơtìan mờ lơh sa.

            -Den, cau lơi gơtùi tus bal tam kơphe jat broa\ lơh 4C  mờ  bơta lơi nàng gơtùi geh tus bal tàm broa\ lơh do?

            Ồng Lưu Văn Hoàng: 4C la dùl  khà broa\ lơh jat bơta kờ` lơh is den tàng cau lơi kung gơtùi geh tus lơh bal, mơya kung pal geh ờ ua\ bơta bè la: Dilah geh tus bal tàm mpồl cau lơh broa\ sa gam geh, mpồl lơh sa bal kung gơtùi, tus bal  ala\ broa\ lơh mpồl ndai  kung gơtùi sơl, den mpồl lơh broa\ den bươn boài rlau. Mờ  broa\ pal geh buơn ngan  la pal tơl dùl Container plai kơphe gar tàm  broa\ lơh dờng bơh mpồl kơphe 4C hơ\. Nàng lơh geh bơta geh dờp 4C do den broa\ sơnrờp khi pal lơh jat ala\ bơta geh cih tus bơh 3 gah broa\ lơh:Tiah kis, mpồl bơtìan mờ lơh sa.

            -Nàng wèt tus dùl rài lơh sa kơljap, jat ồng cau tam kơphe pal tus mờ 4C hala 4C tus mờ cau tam kơphe ?

            Ồng Lưu Văn Hoàng: Jat  bè a`, jơh 2 gah pal tus bal tài broa\ lơh bơh 4C la dùl gah kơphe kơljap pas gơs ờ di tus rnàng tơnơ\ do mờ gam tus rnàng tơnơ\ tai. Ai cau tam kơphe khi kờ` wèt tus dùl broa\ lơh lơh sa jo\ jòng rlau tàm suơn kơphe he dê, wèt tus lơh sa kơljap rlau mờ pria\ geh jơnhua rlau, den tàng jat a` sơnơng, jơh 2 gah drờm geh bơta gơ drờm bal, ờ go\ di cau lơi pal tus mờ cau lơi.

-Ồng gơtùi ai git bè ala\ cồng nha mờ broa\ lơh tam ua\ kơphe kơljap jat broa\ lơh 4C neh cèng wơl?

Ồng Lưu Văn Hoàng: Mùl màl hơ\ la cồng nha neh lơh geh jơnhua rlau mờ bơta kơp kờ`. Tài tam kơphe jat broa\ lơh 4C neh dong kờl làng bol geh ala\ tu\ nàng mut lơh ala\ broa\ lơh sa kơljap, geh tam gơl broa\ lơh sa lài do mờ ala\ broa\ lơh lơh sa kơl jap geh bơto pơlam bơh mpồl la 4C. Khi gam geh ngui geh ala\ bơta jak chài pa tàm suơn kơphe he dê mờ khi  neh geh tu\ geh tus tàm drà ka\ bro.

-Ưn ngài ồng ua\ ngan.

                             Cau cih mờ yal tơnggit K’ Brọp