VOV4.K’ho- Ơ làng bol mờ gơ\p bơyô! Lơh jat gùng dà broă lơh tam gơl rơndăp tăp sèng chi tam, bàr pe nam rềp ndo, uă hìu làng bol tàm kơnhoàl Krông Pach, càr Daklak neh rwah tam tàm bơrlu\ bal mờ tờm rơmi\t.

Broă lơh tam bơrlu\ bal do gam lơh geh cồng nha, pơgồp bơnah kơ\ kơl jăp lơh sa ai uă hìu làng bol lơh broă sa tàm do in. Tàm Jơnau Phan lơh sơnơm Việt Nam mờ rài kis ngai do, bol a` yal bè bàr pe broă lơh tam tờm rơmi\t tàm bơrlu\ bal geh cồng nha tàm kơnhoàl Krông Pach, càr Daklak.

Hìu bơnhă bi Nguyễn Văn Long, kis tàm xã Ea Yêng, kơnhoàl Krông Pach, càr Daklak geh rlau 1 lồ kơphê tam pa wơl nam sơnrờp mờ 6 sàu ù tam pơnăt thái. Ngui jơh bă ù lời gời wah đah ală sèng kơphê mờ ù lời gời wah tềng hơđơm m[ur tờm pơnăt, bi Long tam bơrlu\ bal tờm rơmi\t. Bơh sơnrờp mìng mờ jơnau kơlôi sơnơng là ai phan lơyah ngai ròng phan jo\ ngai lơm.

Mơya tơnơ\ dùl kàl tơnhàu geh cồng nha lơh sa tờm rơmi\t cèng wơl ai bi in rlau mờ jơnau kơ\p kờ`. Mờ 1 lồ 6 sàu rơmi\t tam bơrlu\ bal, bi lơh geh mờr 30 tấn kơnuh rơmi\t, mờ priă tăc geh 10 rbô đong dùl ki\, tơnơ\ tu\ kờp jơh priă tă lơh, hìu bơnhă bi lơh geh priă cồng rlau 100 tơlak. Bi Long, đơs bè do :

“A` geh bă ù mơya tam ală tờm chi tam ndai ờ lơh geh cồng nha. Mơya, tam rơmi\t pơrhê kis dờng niam ngan. Nam lài, lơh geh rlau 30 tấn tăc mờ khà priă tàm tơngai kas ngan rlau jơh là 10 rbô đong dùl ki\ . Tơnơ\ tu\ kờp jơh priă tă lơh, a` geh priă cồng rlau 100 tơlak tàm dùl lồ”.

Ai hìu bơnhă ồng Trần Minh Thành, tàm xã Krông Buk, kơnhoàl Krông Pach, den geh rlau 1 lồ kơphê neh mu\t tàm tơngai kra jo\ sơnam. Mơya, tài bơh ờ geh priă lơh, ồng wih wơl tam tàm bơrlu\ bal tơl ală tờm phan sa bal mờ jơnau kơ\p kờ` là ai phan lơyah ngai ròng phan jo\ ngai.

 Bơh tam tơngời, tam bùm blàng, tam rơmi\t ồng Thành sền go\ tờm rơmi\t [ươn tam, ờ huan roh uă dà kơlhề sơngka sền gàr mơya cồng nha lơh sa gơ cèng wơl uă rlau tus 3 dơ\ pơndrờm mờ tam tơngời mờ tam bùm blàng. Bồ nam do, geh bơta dong kờl bơh công ty Solavina dê, ồng khin cha tam gơl jơh tam rơmi\t. Ồng Thành, đơs:

“Pa do, geh công ty Solavina rê lơh bal mờ xã, den xã kung mblàng yal wơl mờ làng bol tàm [òn in, den a` kung neh cih mat dan tam sơl. Tài bơh tam rơmi\t nam pa do sền go\ lơh geh priă jền uă rlau pơndrờm mờ ală tờm chi tam ndai, dơ\ bàr tai là geh cồng ty dong kờl bơnah priă lơh, ai he den pal geh ù.

 Ală bơnah priă bơcri công ty dê lơm. Tus lồi kàl, kờp jơh ală bơnah priă tă lơh den cồng nha tam pà bal. Dilah lơh geh bè công ty kờp du\ bè hơ\, den cồng nha priă jền lơh geh hìu bơnhă sền go\ geh uă rlau pơndrờm mờ ală tờm chi tam ndai bè tơngời, bùm blàng tàm nam lài”.

Tềng đap cồng nha lơh sa mờ tờm rơmi\t cèng wơl, ồng Hồ Đức Hoà, Kuang atbồ Phòng Nông nghiệp kơnhoàl Krông Pach pà gi\t, tus tu\ do, jơh gùt kơnhoàl neh geh 7 tàm 16 xã tam rơmi\t bal mờ bă ù là mờr 1.700 lồ.

Mơya, kơnhoàl ờ hềt lơh geh tiah sùm tam gơ, uă ngan là làng bol tam is tam tàm bơrlu\ bal tàm ală sươn kơphê. Mìng dùl êt nă lơm là lơh bal mờ mpồl lơh sa kă bro. Tàm hơ\ geh công ty Solavina mơya kung rơ\p mìng pa lơh bal mờ ală hìu làng bol tam rlau 200 lồ rơmi\t tam tơrlòng lài tàm jơh gùt kơnhoàl.

Ngan den tàng bè hơ\, gah lơh broă sa sươn sre gam bơto yal lài làng bol in ờ go\ di rề ơnàng ù tiah tam uă ur ar dùl bă khat gơboh ờ go\ rơndăp tăp sèng nàng pleh gơtìp jơnau tơnhàu geh uă mơya tăc ờ yòm.

 Bal mờ hơ\ là phòng nông nghiệp kơnhoàl gam dan sền swì bè cồng nha tờm rơmi\t nàng rơndăp ù tiah gơ gơs là tam phan kă bro tơrgùm bal, bơh hơ\ pơgồp bal mờ mpồl lơh sa kă bro kờ` lơh geh drà kă bro sùm nàng cau lơh broă sa iang nùs lơh sa. Ồng Hồ Đức Hoà, đơs:

“Nàng kờ` lơh sa kơ\ kơl jăp jo\ jòng, den broă lơi kung bè hơ\ lơm, pal geh tu\ tơngai mờ geh bơta sền swì bơh ală anih lơh broă geh gơnoar dê, den tàm hơ\ gơnoar broă tờm là phòng nông nghiệp nàng dan mờ ủy ban kơnhoàl geh jơh nùs tàm broă do nàng lơh bè lơi sền swì geh, den tus nam 2018 tơnơ\ kàl tus, bol a` hơ\ sồng sền wơl jơh nàng gi\t geh ngan ngồn là tàm tiah lơi mờ pal cèng lòt sền swì wơl den hơ\ sồng gơtùi, tàm do tu\ do bulah tu\ do gơ kis dờng gơdờp, mơya gơdờp jo\ jòng halà hơ\, den hơ\ sồng là jơnau”.

Bơh sơnrờp mìng tam kơphê lơm, tus tu\ do, uă hìu làng bol lơh broă sa tàm kơnhoàl Krông Pach, càr Daklak neh khin cha ngui broă lơh tam bơrlu\ bal tờm rơmi\t, tờm chi tam gơdờp mờ ù tiah, trồ tiah, gàr geh bơta sùh ìo rài rơsơh bơh ù dê nàng drơng tam pa wơl kơphê mơkung pơgồp bơnah kơ\ kơl jăp lơh sa hìu bơnhă in.

Cau cih mờ yal tơngi\t- Lơ Mu K’ Yến