VOV4.K’ho - Tam kơphe jat rơndap broă kơ\ kơljap neh cèng wơl cồng nha ai uă hìu nhă lơh broă sa tàm kơnhoàl Cư Mgar, càr Daklak. Gùt kơnhoàl neh crơng gơs geh rlau 30 mpồl lơh sa bal, mpồl tam klac, mpồl tam kơphe kơ\ kơljap jat ală khà tơl 4C, UTZ, kơphe ringbal… Broă tam kơphe jat rơndap broă kơ\ kơljap neh hời rơ hời tam gơl bơhìan tam kơphe yau, dong làng bol lơh broă sa git bơta chài lơh broă pa, tềm pềr priă jền bơcri lơh, tơnguh jơnhua cồng nha tơnhàu mờ bơta niam kơphe, bơh hơ\ tơnguh priă lơh geh hìu nhă in:

Hìu nhă ồng Ngô Văn Bình, ơm tàm [òn 7, [òn drà Quảng Phú, kơnhoàl Cư Mgar geh rlau 1 lồ 8 sàu kơphe tơnhàu. Lài do, bơta kòp tu sa aniai mờ ờ tơl dà [ồm lơh suơn kơphe hìu nhă ồng dê gơtìp gơmù cồng nha tơnhàu uă ngan. Bơh tu\ tus bal mpồl bơtàu tơnguh kơphe kơ\ kơljap bơh [òn 7, [òn drà Quảng Phú dê, ồng Bình neh geh pơlam, tam pà mờng chài tam, sơngka sền gàr kơphe mờ ală broă lơh jak chài bè: [ồm dà tềm pềr hơđơm 400 lít tàm 1 tờm, ngui ală jơi phan kis nàng rơcang sơndră kòp tu sa aniai, ơn phơng ring mờ dipal, di tu\ tơngai… Cồng nha tơnhàu suơn kơphe ồng Bình dê neh gơguh loh làng ngan, tiah kis gùt dar suơn geh sền gàr niam. Tu\ do, pah nam suơn kơphe hìu nhă ồng Bình dê tơnhàu geh bơh 4 tus 5 tấn kơphe gar tàm dùl lồ. Ồng Bình chờ hờp đơs: “ Tus bal broă lơh tam kơphe geh kơnă hơđang tus pơlam bè bơta chài, lơh jat bè hơ\ tơl ki\ kơphe tac geh kờp tai nđờ rhiang priă.”

Gùt kơnhoàl Cư Mgar neh crơng gơs geh rlau 30 mpồl lơh sa bal, mpồl tam klac, mpồl tam kơphe kơ\ kơljap jat ală khà tơl 4C, UTZ, kơphe ringbal… Tus bal ală mpồl lơh sa bal, mpồl tam klac mờ ală mpồl tam kơphe kơ\ kơljap dong cau tam kơphe tam pà, git ală jơnau yal bè trồ tiah lơh sa suơn sre, bơta kòp tu sa aniai tàm tờm kơphe… Kuơ màng rlau, là broă lơh do neh tam klac geh cồng nha 4 mpồl tàm broă pơgồp bal tam kơphe jat rơndap broă kơ\ kơljap. Gơ wèt mờ bơta tiah kis kơnòm geh bơto pơlam sền gròi den tàng ală hìu nhă tus bal broă lơh kơphe geh sră cơng tàng neh git wă rlau tàm broă sền gàr dà mờ sền gròi sồ siă, phan sang, sơlơ tam chi kìng mbur, jơm rơ hiơm mờ ờ uă bơta chi tam gàr sùh ìo mờ lơh niam ù, hời rơ hời sang mờng quèng ngui uă ir sơnơm sền gàr phan tam. Bơta tam klac bal lơh broă bơh broă sơngka sền gàr, rơcang sơndră kòp tu sa aniai… tus pic plai, lơh gơlik phan neh lơh gơs ală bơta kơphe niam, geh anih lơh gơlik loh làng. Ồng Nguyễn Văn Phúc, kuang atbồ mpồl lơh sa bal suơn sre broă drơng ala ringbal Ea Kiết, ntum Ea Kiết, kơnhoàl Cư Mgar pà git: “ Pah nam, gơwèt mờ broă lơh tam kơphe kơ\ kơljap den mpồl lơh sa bal bơyai lơh bơh 3 tus 4 dơ\ làng bol tàm mpồl in bè bơta chài lơh broă, ờ do ờ dă kloh niam phan sa, tơl niam lơh broă nàng khi in git. Kuơ màng gơ wèt mờ tơl hìu nhă den tơl nhai geh broă lơh, rơndap broă ngan ngồn ai tơl mpồl lơh broă in, mblàng yal làng bol in git bè broă lơh bơtàu tơnguh kơphe kơ\ kơljap gàr cồng nha niam rlau.”

Kơnhoàl Cư Mgar geh rlau 35 rbô 500 lồ kơphe, tàm hơ\ geh rlau 15 rbô lồ kơphe geh tam jat khà tơl mờ mờr 10 rbô hìu nhă tus bal, pah nam lơh geh rlau 37 rbô tấn kơphe jat khà tơl 4C, UTZ, kơphe ringbal. Bơtàu tơnguh kơphe kơ\ kơljap neh dong làng bol git bè bơta chài lơh broă, bơta kuơ kơphe dê geh tơnguh, tiah kis geh sền gàr. Do kung là jơnau kờ` mờ kơnhoàl Cư Mgar wèt tus nàng bơt bơtàu mờ bơtàu tơnguh dùl rài lơh sa suơn sre kơ\ kơljap. Ồng Nguyễn Văn Minh, kuang jat jơng atbồ anih duh broă làng bol kơnhoàl Cư Mgar pà git: “ Kơnhoàl neh sền gròi pơnjat tai mblàng yal nàng tơmut uă cau tàm ală mpồl tus bal tàm mpồl bơtàu tơnguh kơphe kơ\ kơljap. Pơnjat tai pơlam ală ntum uă kal ke in là tàm ală ntum geh làng bol kòn cau nàng crơng gơs tai ờ uă mpồl lơh sa bal suơn sre geh bơta tam klac tam kơphe nàng dong làng bol kung bè tơl nă cau in geh tai bơta nàng git broă lơh sa pa, tơnguh bơta niam chi tam tờm ngan do bơh kơnhoàl dê, nàng drơng jat jơnau kờ` bơh ală lơgar blơi kơphe dê.”

Broă crơng gơs ală mpồl, mpồl tam klac mờ mpồl lơh sa bal tam kơphe kơ\ kơljap tàm kơnhoàl Cư Mgar, càr Daklak neh cèng wơl cồng nha loh làng ngan. Bơh hơ\, hời rơ hời tam gơl bơhìan tam kơphe yau, dong làng bol git bơta chài lơh broă, tềm pềr priă bơcri lơh tàm broă tam kơphe, tơnguh bơta kuơ phan lơh gơs, lơh geh kơphe geh bơta niam uă, tưnguh priă lơh geh hìu nhă in, pơgồp bơnah bơtàu tơnguh lơh sa [òn lơgar dê.

              Cau cih mờ yal tơnggit K’ Duẩn.