VOV4.K’ho – Tơnơ\ mờr 10 nam mut lơh, rơndap broă lơh niam mpồl kơn rồ sơntìl pa bơh càr Dak Nông dê neh cèng wơl uă cồng nha niam. Ờ mìng pơ gồp bơnah bơsong bơta kal ke bè sơntìl kơn rồ, rơndap broă gam ai geh gah ròng phan càr Dak Nông in broă lơh pa.

Jơnau kờ` bơh rơndap broă dê là tus jơh nam do, lơh geh rlau 7 rbô nơm kòn bè sơntìl pa F1 mờ F2. Mơya tus jơh nam 2017, kờp jơh khà kơn rồ sơntìl pa F1 neh geh 7 rbô 140 nơm. Tơngai tus, gah lơh sa suơn sre càr Dak Nông geh pơn jat tai chồl pràn broă lơh bơ tờp sơntìl kơn rồ nàng tơnguh bơta niam poac kơn rồ bơh càr dê, cèng wơl cồng nha lơh sa ai cau ròng phan in.

Đah ròng phan mờ lơh sơ nơm phan ròng càr Dak Nông kung pơn jat tai lơh sră nggal cih jơnau tơnggit tơl kơn rồ me sơntìl pa mờ kơn rồ dam sơntìl pa F2 nàng lơh gơs khà sơntìl kơ\ kơljap.

                                                                   Cau cih mờ yal tơnggit K’Duẩn