VOV4.K’ho- Ală nam rềp ndo, ờdo ờdă phan sa là bơta sùm dờp geh bơta sền gròi uă ngan bơh jơh gùt mpồl bơtiàn dê. Den tàng bè hơ\, broă lơh ătbồ dà lơgar bè ờdo ờdă kloh niam phan sa tàm tơngai lài neh hòi jà geh bơta tus lơh bal pràn kơldang ngan bơh jơh ală anih lơh broă chính trị dê bơh Dà lơgar tus dì [òn lơgar, pơgồp bơnah lơh geh bơta gơ tam gơl niam ngan tàm bơta gi\t wa\ lơh gơlik, tru\ gơm phan sa ờdo ờdă bơh ală anih kă bro phan sa dê.

Lơh jăt Broă rơndăp lơh ătbồ Dà lơgar bè ờdo ờdă phan sa nam 2019, UBND [òn dờng Buôn Ma Thuột neh rwah sơnah [òn Thắng Lợi nàng bơ\t bơtàu broă lơh tơrlòng lài ătbồ dà lơgar bè ờdo ờdă kloh niam phan sa, lơh geh bơnàng jă nàng rề ơnàng lơh uă broă lơh tus jơh 21 xã, sơnah [òn bơh [òn dờng dê tàm tơngai pơn jăt tai.

Jơnau kờ` bơh broă lơh dê là dong UBND kấp xã, sơnah [òn lơh jăt wil tơl, lơh niam jơh ală tơngume lơh broă lơh ătbồ ờdo ờdă phan sa tàm ù tiah he dê, tơnguh uă jơnau gi\t wa\, bơta geh kơnòl lơh jăt niam ală jơnau sồr bè ờdo ờdă phan sa bơh ală anih kă bro drơng broă sàu sa tàm tiah he dê, rcăng lài rcăng pleh ală dơ\ khih phan sa mờ ală kòp lơh bơtờp bơh phan sa.

Lơh jăt broă lơh tơrlòng lài ătbồ Dà lơgar bè ờdo ờdă kloh niam phan sa, UBND sơnah [òn Thắng Lợi neh hòi jà bơta tus bal bơh jơh ală ban, ngành, mpồl cau, tổ dân phố, mpồl ală hìu bơnhă dê mơkung bơyai lơh bal pơrjum mblàng yal broă lơh, bơto pơlam, yal tơngi\t bơta gi\t wa\ jơnau sồr bơh kơrnoat boh lam dê bè ờdo ờdă phan sa ai ală cau do in. Jơh ală cau lam bồ ală ban, ngành, mpồl cau, kuang ătbồ tổ dân phố, mpồl ală hìu bơnhă ndrờm gi\t wa\ loh ngan bơta kuơmàng bơh broă lơh dê mờ lơh jăt jơh nùs ngan.

Ồng Nguyễn Hoàng Anh, ơm tàm Mpồl ală hìu bơnhă 10, Tổ dân phố 6, sơnah [òn Thắng Lợi pà gi\t:Pơrjum do den niam ngan, ờ go\ di mìng gơ wèt is mờ să tờm a` dê lơm gời ờ mờ gơ wèt tus bal mờ jơh gùt mpồl bơtiàn sơl. A` sền go\ geh bơta kờ` gơboh bơh Đảng mờ Dà lơgar he dê là pơyua tus mờ jơh tơl nă làng bol, tu\ do bol he lơh dàr dàr, lơh dơ\ dùl broă, ndrờm bè dùl ntờc jờu gơ rề nàng dùl nă cau gi\t, gi\t wa\ bè broă rcăng sơndră kòp tê jê să mờ ờdo ờdă phan sa, hơ\ là rcăng sơndră ală kòp lơh bơtờp bơh phan sa.

Nàng lơh geh bơta gơrề ai broă lơh tơrlòng lài ătbồ Dà lơgar bè ờdo ờdă kloh niam phan sa, UBND sơnah [òn Thắng Lợi neh sơlơ mblàng yal bè jơnau kờ` bơh broă lơh dê tus mờ jơh tơl nă làng bol tàm sơnah [òn bè mblàng yal bơh tô ri pờ tơlik jơnau đơs bơh sơnah [òn dê; mblàng yal lòt ntrờ` làm bă tiah tus tơl mpồl ală hìu bơnhă, tổ dân phố, pà sră pang tus ală anih kă bro drơng broă `ô sa…

Sơnah [òn Thắng Lợi tu\ do geh 212 anih kă bro drơng broă `ô sa mờ phan sa kềng gùng drà. Tàm hơ\, 60 anih bơh UBND [òn dờng Buôn Ma Thuột ătbồ, 152 anih gam wơl tàm hơ\ geh kă bro phan sa gùng drà, bơnhă tru\ gơm biăp piang sa bal hơđơm 50 nă cau sa tàm dùl dơ\ drơng broă mờ drơng broă `ô sa ờ geh sră dan kă bro bơh UBND sơnah [òn ătbồ. Lơh jăt broă lơh tơrlòng lài, 100% anih do neh geh tus bal bơsram tàp, bơsram bơta gi\t wa\ tàp lơh bè ờdo ờdă kloh niam phan sa, ală jơnau sồr bơh kơrnoat boh lam dê bè ờdo ờdă kloh niam phan sa.

Bal mờ hơ\, ală anih kă bro phan sa kềng gah gùng drà gam geh pà phan ngui gàr bơta kloh niam tu\ tru\ gơm phan sa, bè sơgơn, phan glòm să, sơprồm tê, phan glòm muh măt. Bal mờ broă mblàng yal, bơto pơlam, broă lòt sền, gròi sền kung geh lơh uă sơl, nàng kờ` lơh geh bơta bơto tơngkah tàm broă lơh jăt niam ală jơnau sồr bơh kơrnoat boh lam dê bè ờdo ờdă kloh niam phan sa bơh ală anih kă bro drơng broă `ô sa dê.

Tàm tơngai lơh broă lơh do, 100% anih kă bro drơng broă `ô sa geh gròi sền, sền swì. Tàm hơ\, geh 78,9% anih geh gròi sền, sền swì 2 dơ\. Kơnờm bè hơ\ mờ jơh ală cau tờm anih kă bro phan sa neh tơnguh uă bơta gi\t wa\ bè gơnoar broă bơh he dê mờ lơh jăt niam 10 bơta pal jăt niam ngan tru\ gơm phan sa ờdo ờdă.

Bi Nguyễn Thị Thủy Tiên, cau tờm anih kă bro mbar tàm gùng Lí Thường Kiệt, sơnah [òn Thắng Lợi, pà gi\t: Nam lơi, đah sơnah [òn kung pờ lơm ală ơdu\ bơto pơlam bè ờdo ờdă kloh niam phan sa, geh dơ\ den bơto pơlam tàm Sở Y tế Dăk Lăk mờ làng bol tàm do cau lơi kung tus bal lơm.

Dơ\ rềp ndo ngan rlau jơh là a` bơsram tàm UBND sơnah [òn Thắng Lợi bè ờdo ờdă kloh niam phan sa bè anih tờm ai phan sa, ală bơta pal jăt tru\ gơm, phan lời prăp wơl, kham kòp sền gàr pràn kơldang să jan ai cau lơh broă in.

Lài do, uă bơta he ờ go\ gi\t, tu\ neh lòt bơsram den a` gi\t bè 7 bơta pal jăt niam ngan tàm tu\ tru\ gơm phan sa, tơngai ơn prăp tàm tùh mrềt, tru\ gơm dùl gùng. Lài do, a` khăt bè tru\ jăt bơta mờng quèng mờ ờ go\ lơh jăt bơta pal jăt, ai tu\ do den a` neh gi\t gơ.

Đơs bè ală cồng nha neh lơh geh tàm tu\ lam lơh broă lơh, ồng Nguyễn Ngọc Định, Phó Chủ tịch UBND sơnah [òn Thắng Lợi pà gi\t: Bol a` neh lơh geh 3 jơnau kờ` tờm tàm broă rơndăp lơh. Lài ngan là 100% kuang bàng ătbồ kung bè ală hìu bơnhă kă bro geh bơto pơlam tơnguh uă bơta gi\t wa\ bè ờdo ờdă kloh niam phan sa. Dơ\ 2 là geh 95% ală hìu bơnhă lơh mờ lơh jăt niam bơta do.

Bè đah sơnah [òn, neh bơyai lơh mblàng yal bè 10 broă phan sa gah gùng drà nàng ală hìu bơnhă in gi\t, pơgồp bal mờ Hìu sơnơm [òn dờng dê gròi sền 2 dơ\, tus tu\ do là neh gròi sền mờr ndrờm bè 100% ală hìu bơnhă kă bro, tàm broă rơndăp lơh là mìng 95% lơm.

Bơh gròi sền wơl den ală hìu bơnhă neh rơhời tam gơl geh broă lơh. Tơngai mờr tus, UBND sơnah [òn pơn jăt tai mblàng yal nàng ngai sơlơ lơh uă tàm bơta gi\t wa\ bơh làng bol dê, tơnguh uă bơta gi\t lơh rcăng lài is bơh ală hìu bơnhă dê tàm tu\ tru\ gơm phan sa kềng gah gùng drà.

Mơya, bal mờ ală anih kă bro lơh jăt niam bơta gàr niam ờdo ờdă kloh niam phan sa kung gam sơl bàr pe anih ờ hềt ngan ngồn sền dờng màng tus broă do. Bơh lòt sền, gròi sền broă lơh jăt ală jơnau sồr bơh kơrnoat boh lam dê bè ờdo ờdă kloh niam phan sa bơh UBND [òn dờng Buôn Ma Thuột dê mờ sơnah [òn Thắng Lợi dê pà go\, 16 tàm 60 anih geh sền swì lơh tìs mờ gơtìp lơh glài mờ priă, geh tus khà rlau 26%; 16/120 anih geh gròi sền ờ lơh tơl ală jơnau sồr bè ờdo ờdă kloh niam phan sa, geh tus khà 13,3%. Ală tìs uă ngan mìng là phan sa ờ geh ndơl niam, tiah kă bro ơm rềp tơn kềng brong dà, ờ geh tơl kloh…

 Kung jăt ồng Nguyễn Ngọc Định, Phó Chủ tịch UBND sơnah [òn Thắng Lợi sơl, ală anih kă bro phan sa gơ wèt gơnoar ătbồ bơh sơnah [òn dê mìng là kă bro phan sa kềng gah gùng drà, uă anih lơh broă tàm trồ mang. Tài bơh kă bro jăt broă lơh dềt rah rài, anih kă bro sùm tam gơl den tàng broă lơh gròi sền tìp uă kal ke.

Bè broă rơndăp lơh rề ơnàng lơh uă broă lơh do tàm ù tiah [òn dờng dê tàm tơngai tus, mò Hồ Thị Tươi, Phó Kuang ătbồ Phòng Y tế [òn dờng Buôn Ma Thuột pà gi\t: Gơ wèt mờ broă lơh do tơngai lơh jăt jòng ir mờ kờ` geh bơta rcăng lài bơh [òn dờng dê, den tàng bè hơ\ tàm nam tus nàng lơh niam broă lơh ătbồ Dà lơgar bè ờdo ờdă kloh niam phan sa mờ dong kờl niam ai ală xã, sơnah [òn in den Phòng Y tế neh bơyai mờ UBND [òn dờng là geh ờ lơh jơh tus ală broă tàm broă lơh do mờ mìng tơrgùm tàm broă bơto pơlam sền swì, sền go\ broă lơh tìs mờ dan lơh glài broă lơh tìs dùl bă niam ngan rlau jơh.

Tơnơ\ 5 nhai lam lơh broă lơh tơrlòng lài ătbồ Dà lơgar bè ờdo ờdă kloh niam phan sa tàm sơnah [òn Thắng Lợi, kơnờm bơta lơh ngan jơh nùs tàm tu\ đơng lam bơh gơnoar ătbồ ală kấp dê, bơta pơgồp bal niam ngan bơh ală ban, ngành, mpồl cau dê mờ bơta bơto pơlam broă lơh ờs mờng bơh gah lơh sơnơm dê, ală broă lơh tàm broă rơndăp lơh neh geh lơh jăt wil tơl, ală broă jàu sền bal lơh gơs.

Kuơmàng, broă lơh do dờp geh bơta lơh jăt bal jơh nùs ngan bơh làng bol dê mờ bơta lơh jăt niam bơh ală anih kă bro phan sa dê. Ală broă lơh tìs mờ ờ hềt wil tơl tàm broă gàr niam ờdo ờdă kloh niam phan sa rơhời geh bơsong. Do là tềl tơngo\ niam ngan nàng broă lơh pơn jăt tai geh rề ơnàng lơh uă tus ală xã, sơnah [òn tàm [òn dờng tàm tơngai pơn jăt tai, pơgồp bơnah lơh gơlik bơta mờng quèng tàm tu\ lơh gơlik, tru\ gơm phan sa kloh, ờdo ờdă bơh ală cau dùl nă să is, mpồl cau kă bro phan sa dê, sền gàr pràn kơldang să jan cau ngui sa in, lơh geh bơnàng jă nàng tơnguh cồng nha lơh broă, bơtàu tơnguh lơh sa- mpồl bơtiàn bơh tiah do dê.

Cau cih Thu Huế mờ Quang Nhật- Cau mblàng Lơ Mu K’Yến