VOV4.K’ho - Tềng đap bơta gơlik geh kal ke bơh trồ tiah bè tu\ do, den broă ơn phơng di mờ bơta chài geh pơlam neh dong suơn kơphe bơh uă hìu nhă làng bol dê gơs niam, ờ gơtìp kòp tu sa aniai, gàr niam cồng nha tơnhàu:

Hìu nhă ồng Nông Văn Ráng, ơm tàm ntum Ea Kao, [òn dờng Buôn Ma Thuột geh mờr 1 rbô tờm kơphe neh gơtùi tơnhàu. Bơh uă nam mờng chài tam kơphe, ồng Ráng sùm ơn phơng di mờ bơta chài geh pơlam den tàng suơn kơphe ồng dê gơs niam ngan mờ ờ gơtìp kòp tu sa aniai. Mờ rlau 10 nam tam, sơngka sền gàr kơphe, ồng Ráng tam pà bơta chài ơn phơng geh cồng nha bè do: “ Dùl tờm den he tờ dùl rơbòng dềt, he ơn phơng tềng hơ\, hơ\ sồng bồr wơl mờ tê, lơh bè do den bulah tus 3 ngai tơnơ\ hơ\ sồng geh mìu den kung ờ gơbàn bơta lơi. Uă cau den khi kờp du\ là ntê cat jòng tus kàr lơi den khi ơn phơng tus tềng hơ\, ờ ơn rềp ir halà ngài ir, tài rơyas gơ cat jat ntê, bè hơ\ den hơ\ sồng geh cồng nha, ai dilah ơn tềng tờm den ờ huan niam.”

Ai hìu nhă mò Nguyễn Thị Hoan, ơm tàm [òn 13, ntum Hoá Phú, [òn dờng Buôn Ma Thuột geh 700 tờm kơphe tơnhàu geh rlau 1 tấn pah nam. Gơ wèt mờ mò Hoan, den bơdìh broă ơn phơng tơl làm, di mờ bơta chài geh pơlam den hìu nhă mò kung sùm jì jơh nhơt hòn tềng [ồng kơphe, nàng ơn phơng gơtùi tơr gùm ròng tờm chi, bal mờ hơ\ gam ai nhơt nàng jơm glòm gơs phơng ơn chi tam in. Mò đơs: “ He ba` lời nhơt gơ hòn gơs, bè suơn hìu nhă a` dê, ờ geh nhơt hòn, hòn nhơt kàr lơi là jì jơh kàr hơ\, nhơt hơ\ tu\ lơi he ơn phơng mờ ờ [ồm dà den hơ\ sồng he jì wàs nàng tu\ ơn phơng rơyas kơphe mpờl đang ù gơtùi sa. Tu\ he [ồm dà den lời bal mờ nha nhơt kung di sơl, gơ gàr sùh ìo tờm chi in, nha nhơt tu\ ồm lề kung lơh gơs dùl khà phơng vi sinh sơl.”

Jat ồng Ngô Duy Minh, kuang atbồ mpồl cau lơh broă sa ntum Hoà Phú, [òn dờng Buôn Ma Thuột, gơnoar atbồ tàm [òn lơgar mờ mpồl kung sùm bơyai lơh ală broă lơh cribơyai, bơto pơlam làng bol in tam ală bơta chi tam jo\ ngai tờm ngan, tàm hơ\ pơn rơ là tờm kơphe . Pơlam làng bol tàm suơn in bơta chài ơn phơng ai ală bơta chi tam jo\ ngai in, sền gròi ală bơta gơlik geh bơh kòp tu sa aniai tờm chi nàng mblàng yal làng bol in broă rơcang sơndră kòp tu sa aniai geh cồng nha. Den tàng, làng bol tam kàl lơi là tơnhàu geh lơm, cồng nha tơnhàu mờ bơta niam kơphe dê geh tơnguh jat pah nam. Ồng Ngô Duy Minh đơs: “ Gơ wèt mờ tờm kơphe den pah nam bol a` geh bơta sền gròi uă ngan, bơto pơlam làng bol lơh broă sa in cribơyai mờ ală mpồl lơh sa kă bro tàm [òn lơgar, ngui ală bơta phơng tuh dipal. Nam lài bol a` neh sồr làng bol ngui ală phơng hữu cơ vi sinh mờ ngui ală phơng ơn dà nàng gàr niam bơta pràn tờm chi in, ròng plai mờ tơnguh sơnam kis jo\ tờm kơphe dê. Ală bă kơphe mờ ală nam lài neh kra den tu\ do neh geh bơta gơs wơl niam ngan.”

                                       Cau cih mờ yal tơngit K’ Duẩn.