VOV4.K’ho- Tàm tu\ kòp Covid-19 gơbàn kal ke ờ chài gi\t lài den kòp bạch hầu tàm càr kung kal ke bè hơ\ sơl. Tus klo ngai 6/8, jơh gùt càr Dăk Lăk neh geh 30 cau bơtờp mờ vi khuẩn bạch hầu tàm 12 xã bơh 5 kơnhoàl dê, tàm hơ\ geh: Lăk, M’Drăk, Krông Bông, Cư Mgar mờ Cư Kiu`. Tàm hơ\, Krông Bông là kơnhoàl geh uă cau kòp ngan rlau jơh bal mờ 12 nă cau.

Bác sĩ ai mẫu xét nghiệm virus kòp bạch hầu

Jăt Sở Y tế càr Dăk Lăk dê yal, broă dùl tu\ tơngai bal gơbàn 2 kòp bơtờp ngòt rơngơ\t neh lơh gơrềng uă ngan tus broă lơh bơh gah lơh sơnơm dê. Jơh bal 2 bơta kòp bơtờp do ndrờm gơ sồr pal geh mpồl cau lơh broă uă nàng wàng sê kơryan tiah geh kòp, ai ơm yah ngài di tu\, pleh lơh bơtờp uă. Sở Y tế càr Dăk Lăk neh geh sră hòi jà jơh ală cau lơh sơnơm tàm dơlam mờ bơdìh hìu sơnơm dà lơgar dê, cau pơgru, cau bơsram dờng gah lơh sơnơm bơh ală hìu bơsram đại học tàm ù tiah càr dê tàm sơm băt tê bal tam dră mờ kòp.

Bè lơh broă sơrbac mhar tu\ do hơ\ là đal gi\t tiah ci\t sơnơm rcăng sơndră kòp bạch hầu mơya kung gam pal lơh niam jơnau sồr ơm yah ngài mpồl bơtiàn nàng tam dră mờ kòp Covid-19.

Cau mblàng Lơ Mu K’Yến