VOV4.K’ho - Ua\ cau tam,mpồl lơh sa ka\ bro tam bùm lô Nhờk tàm kơnhòal Krông Ana, càr Dak Lak gam ờ suk ngan  tài bơh pria\ tac ờ yòm ngan, mờ tam ờ gơtùi tac. Bơta ờ suk ngan  rlau  la, mờ ala\ cau lơh broa\ sa, mpồl lơh sa ka\ bro càn pria\ mờ ngân hàng nàng bơcri tam bùm lô Nhờk mờ khà tam ua\,  gam ơm tềng pơhìn gơbàn dồs ua\ ngan.

Tàm tu\ do,  tềng ala\ ba\ suơn tam bùm lô Nhờk di  xã Dur Kman, kơnhòal Krông Ana, càr Dak Lak, ua\ cau tam bùm gam  lơh ngan tơnhàu bùm. Ồng Lê Đình Khương kis tàm [òn Triết, xã Dur Kman, kơnhòal Krông Ana neh sùm ua\ nam tam bùm lô Nhờk, pà git,  pơndrờm mờ pah nam, bùm nam do tơnhàu geh ua\, mơya pria\ tac den lơyah ngan den tàng ờ geh cồng la ua\ ngan:

Pah nam  ờ geh tơl bùm nàng tac, geh tu\ tac bơh 15-16 rbô tàm dùl kg.Mơya, nam do,  den bồ kàl tac gam geh 13 rbô tàm dùl kg,  mơya tus tu\ do mìng gam di 3-4 rbô tàm dùl kg, geh lơh làng bol gơbàn hòac hươr kơnjơ\ ngan. Tơl lồ den gơbàn  roh gời di bơh 30-35 tơlak pria\. Bol a` ming kơp kờ` drà ka\ bro geh tơlik tac mờ lơgar cau nàng làng bol ờ gam gơbàn gơ lời bùm, gơbàn roh hòac kơnjơ\.

Ồng Nguyễn Đức Hùng kung ơm tàm [òn Triết, xã Dur Kman, kơnhòal Krông Ana ai git, nam lài do,  go\ làng bol  tàm do tam  bùm lô Nhờk tac geh  cồng bơh 80 tus 90 tơlak pria\ tàm dùl lồ, ồng neh càn pria\ mờ ngân hàng 150 tơlak pria\ nàng tam gơl 3 lồ ù lơh  kòi ờ geh tơnhàu ua\ gơs tàm bùm. Tơnơ\ ua\ nhai bơcri sơng ka sền gàr, suơn bùm den gơs niam,  ua\ sa\,  bùm niam tai. Do tus tu\ tơnhàu,  den pria\ gơ mù  mờ gam ờ gơtùi tac. Den tàng kờ` gơ sal wơl pria\ tuh la kan ngan, pria\ càn mờ  ngân hàng ờ git  geh ai bơh tềng lơi nàng tơm:

Nam lài,  làng bol tàm do tam bùm den tac dùl lồ geh bơh 130-140 tơlak pria\  den tàng hìu nha\ a` neh tam gơl ù lơh kòi  3 lồ gơs tam bùm lô. Nam do den mìng geh bơh 30-35 tơlak tàm dùl lồ,  geh tu\ cau ờ kờ` blơi sơl, tàm tu\ bơcri den tàm dùl lô là 50 tơlak pria\. Dilah khi ờ blơi den hìu nha\ kung pal lơ òr nàng  sih kòi gơ in gơ di  bàn kàl, pria\ ngân hàng den  di gơlan pal tac bà ù  sre nàng tơm khi ờ go\ lời lơ ỳai he in ờ.

Jat ala\ đại lý blơi,  bơh tài nam do pria\ tac bùm lô Nhờk gơmù lơyah la bơh ala\ tiah tàm Tây Nguyên tam ua\ ir, mờ ba\ ù tam, mờ bùm tơnhàu geh ua\. Tàm tu\ hơ\, drà ka\ bro  hờ lơgar cau gam  gơtìp ua\ ngan kal ke. Mò Nguyễn Thị Mỹ Dung cau tờm ngan blơi  phan lơh geh bơh lơh sa Dũng Dung Sài Gòn tàm xã Dur Kman, kơnhòal Krông Ana mblàng:

A` blơi bùm lô tàm ala\ tiah bè tàm kơnhòal Krông Ana, Dak Lak, ala\ càr Gia Lai, Dak Nông neh rlau 4 nam bloh, pah ngai a` blơi di bơh 40-50 tấn bùm. Đơs bal,  pria\  nam do  blơi bùm den drẻ ngan,  tu\ bùm tơnhàu den mìng 11 rbô tàm dùl kg,  ai tu\ do den di 3 rbô  pram tàm dùl kg. Pria\ bùm drẻh la bơh ala\ tiah tam bùm ua\ ir, trồ tiah den đah tô dà lơgar den duh den tàng cau ờ hoan sa bùm. Bal mờ hơ\,  ala\ kong ty blơi phan bơh lơgar Lo den khi ờ blơi ua\ bè lài tai den làng kung lơh pria\ bùm lô gơmùa lơyah ngan.

Jat trơ gùm kờp bơh phòng Nông nghiệp mờ Phát triển Nông thôn kơnhòal Krông Ana, kàl prang nam do,  kơnhòal do geh pơgap  tam di 350 lồ bùm lô Nhờk. Do la tiah gơ kờ` ngan mờ bùm lô do, den tàng cồng nha geh kờp bal bơh 18-20 tấn tàm dùl lồ. Ồng Võ Văn Nam, atbồ phòng Nông nghiệp mờ Phát triển Nông thôn kơnhòal Krông Ana ai git: tàm nđờ nam  rềp do,  broa\ tam bùm blàng Nhờk gơ cèng wơl cồng nha lơh sa jơnhua geh lơh làng bol pal lơh ngan tam ua\ chi tam  do. Tu\ bơta kờ` êt rlau mờ bơta tam, pria\ bùm gơmù den gơlik bơta hòac hươr siơ\u siar la bơta ờ gơtùi pleh:

Tu\ do pria\ bùm neh gơmù hơđơm 4 rbô tàm dùl kg,  sền bơh tàm drà ka\ bro den tàm kàl tam 2017-208, bol a` geh đơs mờ làng bol tàm kơnhòal pal tam ala\ ba\ ù jơnhua, bươn gơ dô dà, pleh tàm bùm tàm  lo\ sre gơ bam dà nàng geh cồng nha jơnhua. Làng bol kung pal rwah ala\ sơntìl niam di pal nàng tam tơlik tac mờ lơgar cau. Ala\ ba\ ù tam ờ gơ kờ` tai den pal  tam gơl gơs tam chi tam ndai bè kòi,  tơngời kờ` pleh gơbàn  aniai,  hòac hươr.

Jat Chi cục chi tam mờ sền gàr phan tam, Sở Nông nghiệp mờ Phát triển Nông thôn càr Dak Lak, kàl prang nam do òr,  gùt càr geh pơgap di 2 rbô lồ  ù tam bùm lô Nhờk. Tus tu\ do,  cau tam  neh tơnhàu tus mơ gùl. Mờ bơta bùm lô Nhờl gơmù pria\ tac ua\ ngan  bè do, dùl bơnah la bơh cau tam pờ ơnàng ba\ ù tam is ua\ ngan mờ  ờ kờp tus  bơta pràn drà ka\ bro.

                        Cau mblàng K’ Brọp