VOV4.K’ho- Kuang đơng lam bồ Tiah tờm gròi sền kòp jê càr Dăk Lăk dê pà gi\t, tàm càr pa sền go\ tai 1 nă cau chơ\t tài bơh kòp sốt xuất huyết. Cau kòp là oh Đỗ Thị Minh Thư deh nam 2012, kis tàm thôn 4, xã Ea Lê, kơnhoàl Ea Súp. Jăt sră nggal kòp, ngai 10/10/2019, oh geh bơta gơ tơngo\ duh să uă sùm.

Tơnơ\ 2 ngai piam kòp tàm hìu ờ bời, ngai 12/10, oh geh cau hìu bơnhă jun tus hờ hìu sơnơm kơnhoàl Ea Súp mơya kung ờ go\ bời sơl. Ngai 16/10, oh geh jun tus hờ hìu sơnơm sơm kòp tàm Khoa Hồi sức Cấp cức kòn dềt- kòn se pa deh, Hìu sơnơm dờng tiah Tây Nguyên tàm bơta să jan ờ kah dùl jơnau lơi tai, gùng mhàm ờ ntoăt, tê jơng mrềt, huyết áp ờ gơtùi đo geh. Tàm do, ală bác sĩ kham kòp mờ gi\t là oh gơtìp aniai bơh sốt xuất huyết Dengue kơn jơ\ ngai dơ\ 6. Tus 6 jiơ mho dùl ngai bal, hìu bơnhă dan cèng oh rê hờ hìu, tơnơ\ hơ\ oh neh chơ\t tàm gùng rê hờ hìu.

Tus tơngai do, Dăk Lăk neh sền go\ geh rlau 20 rbô 740 nă cau kòp sốt xuất huyết mờ neh geh 4 nă cau chơ\t tài bơh kòp do.

Cau mblàng Lơ Mu K’Yến