VOV4.K’ho - Jơnau yal bơh hìu sơnơm tiah Tây Nguyên, tàm càr Dak Lak pa gơbàn pơn jăt tai geh dùl nă kòn dềt gơtìp chơ\t geh pin tài kòp sốt xuất huyết.

Cau kòp là oh klao, deh nam 2010, kis tàm [òn 10, xã Cư\ Mgar, kơnhoàl Cư\ Mgar. Di pơgăp tàm tu\ 3 jơ mho ngai 20 nhai 8, kòn klao do geh cau tàm hìu nhă cèng sơm kòp tàm hìu sơnơm tiah Tây Nguyên tàm bơta jroă ngan, toh pơrhê gơbàn tàm gùt să, să jan lơmă.

Ală bác sĩ sền kờ` g^t kòp kòn klao dềt do gơtìp jroă tài kòp sốt xuất huyết Dengue ngai 6, ờ pràn tă nhơm độ 4, să jan lơmă ir. Tơnơ\ mờ hơ\, ală bác sĩ neh sơm kòp mờ lơh tơnpràn să jan pràn, mơya tài kòp tam gơl jroă, kòn dềt neh chơ\t tàm mho ngai bal.

Kờp tus ngai 20 nhai 8, gùt càr Dak Lak neh dờp geh rơlao 12 rơbô nă cau gơtìp kòp sốt xuất huyết, tàm hơ\ neh geh 2 nă cau chơ\t. Kòp gơtòp tus tàm 15 kơnhoàl, thị xã, [òn dờng mờ tơrgùm uă ngan tàm [òn dờng Buôn Ma Thuột mờ ală kơnhoàl Buôn Đôn, Krông Năng, Cư\ Mgar, Krông Ana, Krông Păc, Krông Búk.

Cau mblàng Ndong Brawl