VOV4.K’ho-Tơngai do, cau lơh broă sa càr Dak Lak gam ơn phơng dơ\ 3 ai ală tờm phan tam in. Tàm tu\ khà priă tăc phan lơh gơs bơh sươn sre gơmù uă ngan, khà priă phơng sih den gơguh jơnhoa wơl, broă bơcri priă sơngka sền gàr tờm phan in kung ờ huan uă sơl, gơlam tus drà kă bro phơng sih ngềt ngơ\t ngan.

Mò Lê Thị Mộng Thu, cau tờm Đại lý Phơng sih Nguyên Nghĩa tàm xã Pơng Drang, kơnhoàl Krông Buk, càr Dak Lak pà git, pah nam, pah tu\ tus tàm bồ kàl mìu, đại lý blơi rê dùl bơnah uă ngan phơng sih nàng drơng jơnau kờ` sơngka sền gàr phan tam tàm tiah do dê.

Mơya nam do neh mu\t tus gùl kàl mìu, mờ khà blơi phơng den dùl êt ngan. Tàm tơngai do ală nam lài dê, kờp bal pah ngai đại lý tăc bơh 4 tus 5 tấn phơng sih ală bơta, mơya nam do mìng tăc geh bơh 1 tus 2 tấn lơm pah ngai.

Drà kă bro phơng sih nam do gơmù rlau pơndrờm mờ ală nam lài. Tài bơh khà priă kơphê tăc gơmù ngan, den tàng cau kung ờ huan sơl bơcri priă. Pơndrờm bal dùl tu\ mờ nam lài den gơmù mờr 50%.

Tăc ờ yòm là jơnau geh bal [ươn ngan sền go\ bơh uă đại lý phơng sih tàm ù tiah càr Dak Lak dê tu\ do. Bi Lê Thị Kim Dung, cau tờm atbồ Đại lý phơng sih Dung Sáng, tàm thôn Tân Lập, xã Pơng Drang, kơnhoàl Krông Buk, pà gi\t, cau blơi ờ huan uă den tàng neh lơh đại lý ờ khin tai blơi phơng nàng tăc.

Nam do tăc ờ yòm ngan, nam do làng bol ờ huan ơn phơng phan tam in, pơnyơu bè dùl nam ơn 3 dơ\ den nam do khi mìng ơn bơh 1 tus 2 dơ\ lơm.

Cau blơi tàm drà gơmù uă ngan, tàm tu\ hơ\ khà priă tăc bàr pe bơta phơng sih gam gơguh dùl êt. Jat lùp sền, tu\ do khà priă phơng sih gam gơguh bơh 5 rbô tus 20 rbô đong dùl [ào ([ào 50 ki\) gơ jat bơta phơng.

Bè phơng sih Âu Châu 16-8-18 geh tăc mờ khà priă 450 rbô đong dùl [ào, neh gơguh 20 rbô đong pơndrờm mờ bồ kàl; Urê Phú Mỹ gơguh 15 rbô đong dùl [ào, tu\ do geh tăc mờ khà priă là 365 rbô đong dùl [ào; Kali Liên xô tăc mờ khà priă là 340 rbô đong dùl [ào, gơguh 10 rbô đong.

Tàm tu\ khà priă tăc phơng sih gơguh uă, khà priă tăc phan lơh gơs bơh sươn sre den gơmù wơl uă ngan, lơh cau lơh broă sa in ờ khin bơcri ai tờm phan tam in.

Mò Vũ Thị Thi ơm tàm thôn 1, xã Hòa Xuân, [òn dờng Buôn Ma Thuột pà gi\t, ală nam lài, lài mờ tu\ mu\t tàm kàl mìu, den hìu bơnhă mò blơi pơgăp 10 [ào phơng nàng ơn 1 lồ kơphê tam bơrlu\ bal mờ tiêu in. Mơya, nam do, khà priă kơphê mờ tiêu gơmù uă ngan, tàm tu\ khà priă tăc phơng sih den gơguh wơl uă ngan den tàng mò neh ờ huan bơcri uă.

Kàl lơh sa bè ờs den di 1 sào là he ơn dùl [ào, 1 lồ là 10 [ào tàm dùl dơ\ ơn, kàl prang dùl dơ\, kàl mìu pe dơ\. Nam do, den khà priă phan lơh gơs gơmù uă ngan den tàng a` ơn phơng dùl êt lơm, tài bơh tu\ do ờ geh priă, bơcri uă ir den ờ geh sa.

Cau mblàng Lơ Mu K’Yến