VOV4.K’ho – Tơ nơ\ 5 nam lơh jat Nghị quyết sồ 5 bơh Hội đồng Nhân dân càr dê bè prap gàr mờ tơnguh niam chài cing mồng càr Dak Lak, broă prap gàr phan lời wơl niam chài do tàm Dak Lak neh lơh geh ua\ cồng nha mùl màl. Bơh hơ\, pơgồp bơnah hời rơ hời bơt bơtàu wơl rài kis niam chài cing mồng tàm rài kis [òn lơgar dê.

Krông Bông là kơnhòal lam lơh niam ngan broă prap gàr mờ tơnguh niam chài cing mồng bơh càr Dak Lak dê. Gùt kơnhòal tu\ do geh rlau 400 nă nghệ nhân git ngui cing mồng, 44 nă nghệ nhân bơto dròng cing, 46 nă nghệ nhân git mòn ua\ bơta phan nhơl gùng đơs crih kòn cau. Geh 24 mpồl dròng cing kơ nòm să mờ 1 mpồl cing mồng kấp xã gam lơh broă geh cồng nha ngan. Bơh nam 2007 tus tu\ do, Krông Bông neh dờp 18 bòr cing bơh Sở Văn hóa- Thể thao mờ Du lịch càr Dak Lak pà, tơnguh khà cing mồng bơh kơnhòal dê tus 95 bòr.

                                              Broă bơto dròng cing geh kấp hơ đơm sền gròi

Tàm 5 nam do, tàm kơnhòal Krông Bông neh pờ 12 ơdu\ bơto dròng cing ai ơruh pơnu, kơ nòm pa tàu tàm ală [òn in. Bal mờ hơ\ pah nam, Phòng Văn hóa- Thông tin kơnhòal sùm bơyai lơh pơrjum niam chài cing mồng mờ nhơl phan teh gùng đơs crih kòn cau, broă lơh [òn nhơl `o\ - [òn đơs crih tamya, lơh wơl ală broă lơh yàng bơh jo\ làng bol kòn cau ơm kis bơh jo\ tàm tiah do dê.

Jat ồng Phạm Đình Tấn, Kuang atbồ Phòng Văn hóa- Thông tin kơnhòal Krông Bông đơs, ală broă lơh do neh pơgồp bơnah sền gàr mờ tơnguh bơta kuơ niam chài bơh jo\ mờ ua\ bơhìan niam bơne\ bơh ală jơi bơtìan kòn cau tàm kơnhòal dê: “Tu\ do, Krông Bông geh 8 xã geh làng bol kòn cau den ndrờm bè nam lơi bol hi kung pờ ală ơdu\ bơto dròng cing ja` mồng mờ bơto bơtê gơguh jơnhua ală oh in. Kuơmàng, ală rơnàng bèp bi lòt lài bơto wơl ală rơnàng kơ nòm să in nàng lam lơh niam kơ nòl broă lào gàr sùm mờ bơtàu tơnguh niam chài cing mồng tàm kấp hơ đơm”.

Ndrờm bè hơ\ sơl, tàm kơnhòal Krông Năng, broă lơh prap gàr mờ tơnguh niam chài cing mồng kung geh sền gròi ngan sơl. Gùt kơnhòal tu\ do geh 14 mpồl dròng cing mờ mờr 500 nă nghệ nhân git dròng cing ja` mồng. Tàm hơ\ geh 5 nă nghệ nhân git lơh niam wơl cing mờ 17 nă nghệ nhân git bơto dròng cing. Tàm ală [òn tu\ do gam prap gàr 158 bòr cing, sùm geh ngui tàm ală broă lơh chờ, lơh yàng bơh [òn lơgar dê.

                                                     Pơrlòng niam chài cing mồng ală kấp sùm geh lơh

Bi H Ngoen Niê Kđăm, ơm tàm [òn Wiao A, thị trấn Krông Năng, kơnhòal Krông Năng đơs, bơh ală dơ\ pơrjum niam chài [òn lơgar geh lơh tàm [òn, bi sơlơ git rlau tai bè niam chài kòn cau he dê, git ua\ sap cing, gùng tamya, broă lơh yàng. Bơh hơ\ sơlơ kờ` mờ kơp kờ` sền gàr ală bơta niam chài rơ gơi kòn cau he dê: “Là dùl nă cau kơ nòm să, oh kơp kờ` jơh ală rơnàng tơ nơ\ cih dờp mờ tàm pơ dờn ală cồng nha mờ rơnàng bèp bi lòt lài neh lời wơl mờ geh sùm sền gàr mờ bơtàu tơnguh; ờ mìng ơm wơl tàm càr Dak Lak lơm ờ, mờ gam cèng tus ală tiah ndai tai nàng khi gơtùi git rlau tai bè niam chài cing mồng bơh cau Tây Nguyên dê đơs bal mờ cau Rơđê dê đơs is”.

Bơh 5 nam lơh jat Nghị quyết sồ 5 bơh Hội đồng Nhân dân càr Dak Lak dê bè prap gàr mờ tơnguh niam chài cing mồng, broă lơh prap gàr mờ tơnguh niam chài do neh lơh geh ua\ cồng nha ngan ngồn. Gùt càr neh blơi geh rlau 100 bìr cing mờ ală blah phan soh kòn cau jat tơl jơi bơtìan kòn cau ai ală mpồl nghệ nhân in; pờ 4 khóa bơto pơlam dròng cing ja` mồng mờ nhơl phan teh gùng đơs crih kòn cau; 3 khóa lơh niam wơl cing ai ală nghệ nhân in.

Jat nghệ sĩ ưu tú Vũ Lân, bơh ală broă lơh bơto pơlam neh dong git nđờ rhiang nă nghệ nhân git mờ chài dròng cing, git lơh niam wơl cing mờ gơtùi bơto dròng cing dùl bă chài rơ gơi. Nghệ sĩ ưu tú Vũ Lân đơs là, tàm tơngai pơn jat tai, broă blơi phan bơn ală [òn in pal geh lơh sùm, broă lơh gơlik anih dròng cing ja` mồng pal geh lơh sùm mờ broă bơto bơtê ai mpồl cau tàm pơn jat in pal geh sền gròi: “Pal kah là broă bơto bơtê geh cồng nha ngan rlau jơh là bơto bơtê jat mpồl. Pơn yơu dùl mpồl geh 7 nă oh geh bơsram dròng cing, tàm 1 [òn den bơto 7 nă oh in, lơh gơs dùl mpồl dròng cing. Mờ bơh broă bơto bơtê jat mpồl geh cồng nha rlau tàm broă bơto dròng cing ja` mồng ala mờ bol he mìng bơto ai tơl nă cau in”.

Tàm tơngai bơh nam 2016 tus nam 2020, càr Dak Lak neh tă rlau 12 tơmàn 700 tơlak đong nàng lơh jat Nghị quyết sồ 5 nam 2016 bơh Hội đồng Nhân dân càr dê bè prap gàr mờ tơnguh bơta kuơ niam chài cing mồng. Bơh bơnah pria\ do, ua\ broă lơh neh geh lam lơh, dong phan lời wơl niam chài cing mồng pơn jat tai geh sền gàr, bơto bơtê, rề ơnàng anih dròng cing ja` mồng mờ tìp mat lơh quèng, pơgồp bơnah dong phan lời wơl niam chài cing mồng geh tơnguh geh cồng nha rlau.

Cau mblàng K’Duẩn