VOV4.K’ho- Nàng kờ` tơnguh uă bơta pràn jak sơndră wơl mờ kòp Sars CoV 2, Ủy ban Nhân dân [òn dờng Buôn Ma Thuột, càr Dăk Lăk bơyai lơh tàp broă lơh dờp, jun, cang tiah tam cah is kham sơm kòp tàm tu\ dilah sền go\ cau bơtờp kòp.

Jơnau geh ai lơh pơnyơu là: Tơnơ\ mờ tu\ dờp jơnau yal geh 1 nă cau bơtờp mờ virus Sars CoV 2 lòt bơh tiah geh kòp rê wơl gam sơm kòp tàm Hìu sơnơm dờng tiah Tây Nguyên, Hìu sơnơm [òn dờng Buôn Ma Thuột sơrbac mhar tơn ai kuang bàng tus hìu cau kòp dê lùp nàng gi\t. 

Jơnau geh ai lơh pơnyơu là kuang bàng lơh sơnơm tus kham kòp sền gàr pràn kơldang să jan cau hìu cau kòp Sars CoV 2 in

Sền go\ oh ùr bơh cau kòp dê geh bơta gơ tơnggo\ duh să, Hiu sơnơm [òn dờng Buôn Ma Thuột yal mờ Mpồl đơng lam rcăng sơndră kòp Covid-19 [òn dờng in, sơrbac mhar cang tiah, tam cah is, jun cau gơtìp duh să tus hờ Hiu sơnơm dờng tiah Tây Nguyên.

Pơn jăt hơ\, mpồl cau lơh sơnơm tus [ồm dà sơnơm lơh kloh [ưn tu bih khih tiah ơm kis tàm jơh ală tiah tam cah is hìu cau kòp dê; Lơh jăt niam broă kơryan kung bè ờ ai jun lik bơh tiah tam cah is ală phan digơlan lơh bơtờp kòp. Mơkung mblàng yal, pà sră pang, bơto pơlam làng bol jùt ràu sàng goh hìu đam; sền bơta duh să ja` pah ngai; lùp kờp, lơh sră cih mat tam cah ală cau tam tìp ơm rềp mờ cau kòp nàng kham kòp, mờ bơsong di tu\.

Tàm dơ\ tàp, ồng Đoàn Ngọc Thượng, Phó Chủ tịch Ủy ban Nhân dân [òn dờng Buôn Ma Thuột, pà gi\t: Bal mờ bơta gơbàn bơh kòp dê, den jơnau digơlan lơh bơtờp uă kòp tàm ù tiah [òn dờng dê là uă ngan. Den tàng bè hơ\, den tơnơ\ dơ\ tàp ngai do, bol a` geh ai jơnau bơsram bal tàm Mpồl đơng lam nàng geh bơta ring bal gùng dà broă lơh tu\ mờ geh jơnau digơlan cau bơtờp gơbàn tàm ù tiah [òn dờng mơkung lơh pràn broă lơh mblàng yal rcăng sơndră kòp tàm ù tiah [òn dờng dê; hòi tơrgùm jơh ală anih lơh broă chính trị mờ jơh gùt làng bol pal dùl nùs bal nàng tàm sơm băt tê bal kơryan kòp geh cồng nha tàm tơngai tus.

Tus tơngai do, càr Dăk Lăk ờ hềt sền go\ dùl nă cau kòp lơi. Bulah bè hơ\, càr Dăk Lăk neh tam cah is gi\t nđờ rhiang nă cau rê wơl bơh tiah geh kòp halà tam tìp ơm rềp mờ cau gơtìp pin bơtờp kòp. Mìng is [òn dờng Buôn Ma Thuột neh tam cah is 110 nă cau, tàm hơ\ geh 10 nă cau tam cah is kham sơm kòp tơrgùm bal.

 {ồm sơnơm lơh jơh [ưn tu bih khih rơndeh jun cau kòp tus Hìu sơnơm tam cah is

Bác sĩ Nguyễn Trung Thành, Phó Kuang ătbồ Sở Y tế càr Dăk Lăk pà gi\t, tơnơ\ dơ\ tàp do, gah lơh sơnơm geh pơn jăt tai ai lơh pơnyơu uă jơnau gơlik geh krơi is ndai, bơsram tàp bơta chài sơndră wơl tềng đăp bơta gơbàn kal ke bơh kòp dê. Bác sĩ Nguyễn Trung Thành, đơs: Tu\ mờ geh jơnau digơlan gơlik geh dơ\ 1 den he rcăng ai jơnau digơlan gơlik geh dơ\ 2 in, tu\ jơnau digơlan gơlik geh dơ\ 2 den he rcăng wơl tai ală bơta ai jơnau digơlan gơlik geh dơ\ 3 in nàng tu\ geh jơnau digơlan gơlik geh den he rcăng lài jơh lơm. Tàp ndang mơkung lơh ndang kung bè lơh geh jơnau kờ` rcăng sơndră kòp mờ broă lơh sơm kòp. Pơnyơu tu\ mờ gơlik geh gi\t nđờ rhiang nă cau kòp den anih sơm kòp bè lơi, hơ\ sồng tiah tam cah is tơrgùm bal, tiah làng bol ơm kis he dê pal rcăng bè lơi den do là dùl tàm ală jơnau digơlan gơlik geh nàng Mpồl đơng lam bơh càr dê lơh geh ală jơnau digơlan gơlik geh tu\ mờ gơlik geh ngan ngồn den he gơtùi rcăng lài jơh lơm, ờ go\ gơtìp rơmơ\p ndơl.

Cau cih Vũ Nam Trang- Cau mblàng Lơ Mu K’Yến