VOV4.K’ho- Càr Dak Lak neh bơyai lơh pơrjum tơn jơh 5 nam lơh jat Nghị quyết sồ 5 bơh Hội đồng Nhân dân càr dê bè broă lơh prap gàr mờ tơnguh niam chài cing mồng, tơngai bơh nam 2016 tus nam 2020. Lơh jat Nghị quyết bè broă lơh prap gàr mờ tơnguh niam chài cing mồng, bơh nam 2016 tus tu\ do, Dak Lak neh pà 26 bòr cing, 358 blah phan soh kòn cau ai ală mpồl dròng cing, mpồl đơs crih tamya tàm ală [òn kòn cau ơm kis bơh jo\ tàm càr in.

Gùt càr neh pờ 12 ơdu\ bơto dròng cing mồng, mpồl đơs crih tamya ai mờr 500 nă cau bơsram in, lơh wơl 5 broă lơh yàng, lơh chờ gơ jat bal mờ niam chài cing mồng. Kờp jơh pria\ tă lơh prap gàr mờ tơnguh niam chài cing mồng tàm ală nam do là rlau 10 tơmàn đong. Tàm pơrjum, ală kuang bàng neh cribơyai, mblàng lơh loh, sền sơ wì ală cồng nha lơh geh mờ ală kal ke, ờ niam tàm broă prap gàr, tơnguh niam chài cing mồng.

Cau mblàng K’Duẩn